DK Shivakumar | సోనియా, రాహుల్ వారించ‌డంతో త‌ల‌వంచా : డీకే శివ‌కుమార్‌

క‌ర్నాట‌క అసెంబ్లీ ఎన్నిక‌ల్లో కాంగ్రెస్ ఘ‌న‌విజయం అనంత‌రం సిద్ధ‌రామ‌య్య‌కు పార్టీ హైక‌మాండ్ సీఎం ప‌ద‌విని క‌ట్ట‌బెట్ట‌డం, డిప్యూటీ సీఎం ప‌ద‌వికి డీకే శివ‌కుమార్ ( DK Shivakumar) అంగీక‌రించ‌డంపై ఎట్ట‌కేల‌కు సీనియ‌ర్ నేత‌ పెద‌వివిప్పారు.

బెంగ‌ళూర్ : క‌ర్నాట‌క అసెంబ్లీ ఎన్నిక‌ల్లో కాంగ్రెస్ ఘ‌న‌విజయం అనంత‌రం సిద్ధ‌రామ‌య్య‌కు పార్టీ హైక‌మాండ్ సీఎం ప‌ద‌విని క‌ట్ట‌బెట్ట‌డం, డిప్యూటీ సీఎం ప‌ద‌వికి డీకే శివ‌కుమార్ ( DK Shivakumar) అంగీక‌రించ‌డంపై ఎట్ట‌కేల‌కు సీనియ‌ర్ నేత‌ పెద‌వివిప్పారు. రామ‌న‌గ‌ర‌లో పార్టీ కార్య‌క‌ర్త‌ల‌ను ఉద్దేశించి డీకే శివ‌కుమార్ మాట్లాడుతూ సోనియా గాంధీ, రాహుల్ గాంధీ సూచ‌న మేర‌కు సీఎం కావాల‌నే త‌న ఆకాంక్ష‌ను విడిచిపెట్టాన‌ని చెప్పుకొచ్చారు.

న‌న్ను ముఖ్య‌మంత్రిని చేసేందుకు మీరంతా పెద్దసంఖ్య‌లో నాకు ఓట్లు వేశారు. కానీ హైక‌మాండ్ మ‌రో నిర్ణ‌యం తీసుకుంది. అగ్ర నేత‌లు సోనియా, రాహుల్‌, ఖ‌ర్గేలు ఇచ్చిన సూచ‌న‌కు నేను త‌ల‌వంచాన‌ని డీకే పేర్కొన్నారు. తానిప్పుడు మ‌రింత స‌హ‌నంతో వేచిచూడాల్సి ఉంద‌ని, అయితే మీ ఆకాంక్ష‌లు మాత్రం వృధా కావ‌ని స్ప‌ష్టం చేశారు.

మే 10న జ‌రిగిన క‌ర్నాట‌క అసెంబ్లీ ఎన్నిక‌ల్లో పాల‌క బీజేపీని మ‌ట్టిక‌రిపించి కాంగ్రెస్ ఘ‌న విజ‌యం సాధించిన సంగ‌తి తెలిసిందే. ఇక సీఎం ప‌ద‌వికి సిద్ధ‌రామ‌య్య‌, డీకే శివ‌కుమార్ పోటీ ప‌డ‌టంతో ప్ర‌తిష్టంభ‌న‌ను తొల‌గించేందుకు కాంగ్రెస్ హైక‌మాండ్ నాలుగు రోజుల తీవ్ర త‌ర్జ‌న‌భ‌ర్జ‌నల అనంత‌రం సిద్ధ‌రామ‌య్యవైపు మొగ్గుచూపింది. ప‌వ‌ర్ షేరింగ్ ఫార్ములాను ప్ర‌తిపాదించి డీకే శివ‌కుమార్‌ను డిప్యూటీ సీఎం ప‌ద‌విని అంగీక‌రించేలా ఒప్పించింది. ప‌వ‌ర్ షేరింగ్ ఫార్ములాలో భాగంగా రెండేండ్ల త‌ర్వాత డీకే శివ‌కుమార్ క‌ర్నాట‌క‌ సీఎం ప‌ద‌విని చేప‌ట్ట‌నున్న‌ట్టు స‌మాచారం.

Read More

Odisha Train Accident | ప్రమాదం జరగడానికి కారణం అదే.. రైల్వే శాఖ మంత్రి అశ్వినీ వైష్ణవ్‌