Go First: వెంట‌నే టికెట్లు అమ్మ‌డం ఆపేయండి.. గోఫ‌స్ట్‌కు డీజీసీఏ ఆదేశాలు

Go First: డీజీసీఏ ఇవాళ గో ఫ‌స్ట్ విమాన సంస్థ‌కు షోకాజు నోటీసులు జారీ చేసింది. సుర‌క్షితంగా, స‌మ‌ర్థ‌వంతంగా, న‌మ్మ‌క‌మైన రీతిలో సేవ‌లు అందించ‌డం లేద‌ని ఆ సంస్థ‌ను నిల‌దీసింది. వెంట‌నే విమాన బుకింగ్స్‌ను నిలిపివేయాల‌ని, మ‌ళ్లీ ఆదేశాలు ఇచ్చే వ‌ర‌కు ఎటువంటి టికెట్ల‌ను అమ్మ‌రాదు అని డీజీసీఏ త‌న ఆదేశాల్లో పేర్కొన్న‌ది.

న్యూఢిల్లీ: విమాన నియంత్ర సంస్థ డీజీసీఏ ఇవాళ గో ఫ‌స్ట్(Go First) విమాన సంస్థ‌కు షోకాజు నోటీసులు జారీ చేసింది. సుర‌క్షితంగా, స‌మ‌ర్థ‌వంతంగా, న‌మ్మ‌క‌మైన రీతిలో సేవ‌లు అందించ‌డం లేద‌ని ఆ సంస్థ‌ను నిల‌దీసింది. వెంట‌నే విమాన బుకింగ్స్‌ను నిలిపివేయాల‌ని, మ‌ళ్లీ ఆదేశాలు ఇచ్చే వ‌ర‌కు ఎటువంటి టికెట్ల‌ను అమ్మ‌రాదు అని డీజీసీఏ త‌న ఆదేశాల్లో పేర్కొన్న‌ది.

షోకాజు నోటీసుపై 15 రోజుల్లోగా వివ‌ర‌ణ ఇవ్వాల‌ని డీజీసీఏ తెలిపింది. ఆ వివ‌ర‌ణ ఆధారంగానే గోఫ‌స్ట్ విమాన ఆప‌రేష‌న్స్‌కు స‌ర్టిఫికేట్ వ‌స్తుంద‌ని పేర్కొన్న‌ది. మే 15వ తేదీ వ‌ర‌కు ప్ర‌యాణికుల‌ టికెట్ల‌ను అమ్మ‌డం నిలిపివేయాల‌ని గోఫ‌స్ట్‌కు ఇటీవ‌ల డీజీసీఏ ఆదేశించిన విష‌యం తెలిసిందే. అంతేకాదు మే 12వ తేదీ వ‌ర‌కు ఆ సంస్థ‌కు చెందిన అన్ని ఫ్ల‌యిట్ల‌ను ర‌ద్దు చేశారు.

వాడియా గ్రూపున‌కు చెందిన గోఫ‌స్ట్ సంస్థ‌ను గ‌తంలో గోఎయిర్‌గా పిలిచేవారు. స్వ‌చ్ఛంధ దివాళా కింద‌ నేష‌న‌ల్ కంపెనీ లా ట్రిబ్యున‌ల్ ముందు ఆ కంపెనీ ద‌ర‌ఖాస్తు చేసుకున్న‌ది.