Watch: స్కూల్‌ బాలికపై ఆవులు దాడి.. కొమ్ములతో పొడిచిన వీడియో వైరల్‌

Cow Attacks School Girl | స్కూల్‌ బాలికపై ఆవులు దాడి చేశాయి. ఒక ఆవు కొమ్ములతో ఎత్తి పడేసింది. కిందపడిన ఆ బాలికను చాలాసేపు కొమ్ములతో పొడిచింది. స్థానికులు స్పందించి ఆవుల బారి నుంచి ఆ బాలికను రక్షించారు. ఈ వీడియో క్లిప్‌ సోషల్‌ మీడియాలో వైరల్‌ అయ్యింది.

చెన్నై: స్కూల్‌ బాలికపై ఆవులు దాడి చేశాయి. ఒక ఆవు కొమ్ములతో ఎత్తి పడేసింది. కిందపడిన ఆ బాలికను చాలాసేపు కొమ్ములతో పొడిచింది. స్థానికులు స్పందించి ఆవుల బారి నుంచి ఆ బాలికను రక్షించారు. ఈ వీడియో క్లిప్‌ సోషల్‌ మీడియాలో వైరల్‌ అయ్యింది. తమిళనాడు రాజధాని చెన్నైలోని ఎంఎండీఏ కాలనీలో ఈ సంఘటన జరిగింది. ఒక మహిళ తన ఇద్దరు పిల్లలతో కలిసి నడుచుకుంటూ రోడ్డుపై వెళ్తున్నది. కొన్ని ఆవులు కూడా ఆ వీధిలో వెళ్తున్నాయి. స్కూల్‌ డ్రెస్‌లో ఉన్న బాలికపై ఒక ఆవు దాడి చేసింది. కొమ్ములతో ఎత్తి నేలపై పడేసింది. అనంతరం బాలికను కొమ్ములతో పొడుస్తూ కాళ్లతో తొక్కింది. మరో ఆవు కూడా ఆ బాలికపై దాడికి ప్రయత్నించింది.

కాగా, ఇది చూసిన బాలిక తల్లి, స్థానికులు భయాందోళన చెందారు. ఆవుల బారి నుంచి ఆమెను కాపాడేందుకు బాలిక తల్లితోపాటు కొందరు వ్యక్తులు తీవ్రంగా ప్రయత్నించారు. అయితే ఆ ఆవులు వారిపైనా దాడి చేయబోయాయి. చివరకు అతి కష్టంతో ఆవులను తరిమారు. తీవ్రంగా గాయపడిన ఆయేషాను వెంటనే ఆసుపత్రికి తరలించి చికిత్స అందించారు. బాలిక పరిస్థితి నిలకడగా ఉందని వైద్యులు తెలిపారు.

మరోవైపు ఆ ప్రాంతంలోని ఒక ఇంటి వద్ద ఏర్పాటు చేసిన సీసీటీవీలో ఈ సంఘటన రికార్డ్‌ అయ్యింది. దీంతో ఈ వీడియో క్లిప్‌ సోషల్‌ మీడియాలో వైరల్‌ అయ్యింది. పోలీసులు కూడా ఈ సంఘటనపై స్పందించారు. ఆవుల యజమానిపై కేసు నమోదు చేశారు.

Video: (warning ) A school girl being attacked by a cow in MMDA colony, #Chennai. She survived with stitches. #Cowattack @dt_next @chennaipolice_ @chennaicorp pic.twitter.com/UMlJawj91k

— Raghu VP / ரகு வி பி / രഘു വി പി (@Raghuvp99) August 10, 2023