సీజేపీ నేతల కస్టడీ పొడిగింపు

కాక్రోచ్‌ జనతా పార్టీ(సీజేపీ) నాయకులు ఆశుతోష్‌ రాంకా, సౌరవ్‌ దాస్‌ జ్యుడీషియల్‌ కస్టడీని ప్రత్యేక ఎగ్జిక్యుటివ్‌ మెజిస్ట్రేట్‌ మరో రెండు రోజులు పొడిగించినట్టు అధికారులు తెలిపారు. వారి విడుదల కోసం సీజేపీ న్యాయబృందం పూచీకత్తులను సమర్పించిన తర్వాత ఈ పరిణామం చోటుచేసుకుంది. తదుపరి విచారణను ఈనెల 21వ తేదీకి కోర్టు వాయిదా వేసింది. దాస్‌, రాంకాలను జ్యుడీషియల్‌ కస్టడీ నుంచి విడుదల చేయాలని కోరుతూ సీజేపీ న్యాయ బృందం స్పెషల్‌ ఎగ్జిక్యుటివ్‌ మెజిస్ట్రేట్‌ ముందు ఒక దరఖాస్తును దాఖలు చేసింది.

• 21వ తేదీకి విచారణ వాయిదా

న్యూఢిల్లీ, అక్టోబర్‌ 19: కాక్రోచ్‌ జనతా పార్టీ(సీజేపీ) నాయకులు ఆశుతోష్‌ రాంకా, సౌరవ్‌ దాస్‌ జ్యుడీషియల్‌ కస్టడీని ప్రత్యేక ఎగ్జిక్యుటివ్‌ మెజిస్ట్రేట్‌ మరో రెండు రోజులు పొడిగించినట్టు అధికారులు తెలిపారు. వారి విడుదల కోసం సీజేపీ న్యాయబృందం పూచీకత్తులను సమర్పించిన తర్వాత ఈ పరిణామం చోటుచేసుకుంది. తదుపరి విచారణను ఈనెల 21వ తేదీకి కోర్టు వాయిదా వేసింది. దాస్‌, రాంకాలను జ్యుడీషియల్‌ కస్టడీ నుంచి విడుదల చేయాలని కోరుతూ సీజేపీ న్యాయ బృందం స్పెషల్‌ ఎగ్జిక్యుటివ్‌ మెజిస్ట్రేట్‌ ముందు ఒక దరఖాస్తును దాఖలు చేసింది.

వారిని నిర్బంధించిన రోజున వారి పూచీదారులు అందుబాటులో లేకపోవడంతో మొదట వారిని కస్టడీకి పంపారు. న్యాయబృందం ఇప్పుడు పూచీకత్తు పత్రాలను రికార్డులో దాఖలు చేసి వారి విడుదలను అభ్యర్థించింది. జంతర్‌ మంతర్‌ను నిర్దేశిత నిరసన ప్రదేశం జాబితా నుంచి తొలగించిన ఒక రోజు తర్వాత ఆ ప్రదేశంలోకి ప్రవేశించినందుకు ఢిల్లీ పోలీసులు దాస్‌, రాంకాలను ఈనెల 13న అదుపులోకి తీసుకుని 14న ఐదు రోజుల జ్యుడీషియల్‌ కస్టడీకి పంపారు.