Visit:
Abhijeet Dipke : కాక్రోచ్ జనతా పార్టీకి చెందిన ఇన్స్టాగ్రామ్ అకౌంట్ శనివారం కొద్దిసేపు నిలిచిపోయింది. ఈ విషయాన్ని సీజేపీ ఫౌండర్ అభిజీత్ దీప్కే తన ఇన్స్టాగ్రామ్ అకౌంట్ ద్వారా వెల్లడించారు. సీజేపీ ఇన్స్టాగ్రామ్ అకౌంట్ నిలిపివేయడాన్ని పిరికిపంద చర్యగా అభిజీత్ దీప్కే వర్ణించారు. అయితే, కొంతసేపటి తర్వాత అకౌంట్ తిరిగి ప్రారంభమైంది. ఈ అంశంపై దీప్కే స్పందించారు.
సీజేపీ అకౌంట్ నిలిచిపోవడానికి సంబంధించిన స్క్రీన్ షాట్లను సోషల్ మీడియాలో షేర్ చేసుకున్నారు. ఆయనతోపాటు సీజేపీ తెలిపిన వివరాల ప్రకారం.. శనివారం ఉదయం 6.16 గంటలకు సీజేపీ ఇన్స్టాగ్రామ్ అకౌంట్ నిలిచిపోయింది. దీనిపై ఫిర్యాదు చేయడంతో 6.45 గంటలకు ఖాతా తిరిగి పునరుద్ధరించారు. భారత స్వాతంత్య్ర దినం రోజున తమ గొంతు నొక్కే ప్రయత్నం జరిగిందని, ఇలాంటి చర్యలకు తాము భయపడబోమని దీప్కే ప్రకటించారు. ఇది పిరికపందలు చేసిన చర్యగా అభివర్ణించారు. అలాంటివారు సీజేపీని అడ్డుకునేందుకు స్వాతంత్య్ర దినోత్సవాన్ని ఎంచుకోవడం సిగ్గు చేటు అన్నారు.
🚨CJP Instagram handle was taken down this morning 🚨
But we have been able to successfully recover the account.
What a shame that those who oppose CJP chose India’s Independence Day to try to muzzle our voice.
We will not be intimidated by such cowardly acts! ✊ https://t.co/Wz3rhExHpu
— Cockroach Janta Party – CJP (@Cockroachisback) August 15, 2026
ఇంతకుముందు కూడా సీజేపీకి చెందిన సోషల్ మీడియా ఖాతాను కేంద్రం నిషేధించిన సంగతి తెలిసిందే. నీట్ పరీక్ష సందర్భంగా సీజీపీ ఖాతా ద్వారా ఆందోళనలు తలెత్తే అవకాశం ఉందన్న కారణంతో కేంద్రం ఈ ఖాతాను బ్లాక్ చేసింది. అనంతరం గత జూలైలో కోర్టు ఖాతాను పునరుద్ధరించాలని ఆదేశించడంతో ఈ అకౌంట్ తిరిగి ప్రారంభమైంది.
