పిల్లలు స్క్రీన్‌కు అతుక్కు పోతున్నారు

స్మార్ట్‌ఫోన్స్‌, కంప్యూటర్‌, టీవీ, వీడియో గేమ్స్‌, ట్యాబ్లెట్స్‌.. మొదలైన డిజిటల్‌ పరికరాలతో పిల్లలు గంటల తరబడి గడపటంపై 89 శాతం మంది తల్లులు ఆందోళన వ్యక్తం చేస్తున్నారు.

న్యూఢిల్లీ, మే 12: స్మార్ట్‌ఫోన్స్‌, కంప్యూటర్‌, టీవీ, వీడియో గేమ్స్‌, ట్యాబ్లెట్స్‌.. మొదలైన డిజిటల్‌ పరికరాలతో పిల్లలు గంటల తరబడి గడపటంపై 89 శాతం మంది తల్లులు ఆందోళన వ్యక్తం చేస్తున్నారు. పిల్లల చదువులు దెబ్బతింటున్నాయని, మానసికంగా, శారీరకంగా వారిపై ప్రతికూల ప్రభావం చూపుతున్నదని తల్లులు భావిస్తున్నారని మార్కెట్‌ రిసెర్చ్‌ ఏజెన్సీ ‘టెక్‌ఆర్క్‌’ తాజా నివేదిక పేర్కొన్నది. ‘మదర్స్‌ డే’ సందర్భంగా ఆదివారం ఈ నివేదిక విడుదలైంది. ఈ నివేదిక ప్రకారం, గోప్యతపై 81శాతం, అనుచితమైన కంటెంట్‌పై 72శాతం, టీనేజర్లను ప్రభావితం చేస్తున్నదని 45శాతం, డీప్‌ఫేక్స్‌, మోసాలపై 26 శాతం మంది తల్లులు ఆందోళన వ్యక్తం చేశారు.