చెన్నై : ఇడ్లీ, వడ, దోశ, సాంబార్ రైస్ ఇలా దక్షిణాది డిష్లు ఏవైనా అందరూ ఇష్టంగా ఆరగిస్తారు. సదరన్ స్పైసీ రెసిపీలను ఆస్వాదించేందుకు దేశ, విదేశీయులు మొగ్గుచూపుతుంటారు. బెంగళూర్ రెస్టారెంట్లో ఆస్ట్రేలియన్ మాస్టర్చెఫ్ గ్యారీ మెహిగన్ (Chef Gary Mehigan)ఇటీవల దక్షిణాది అల్పాహారాన్ని ఇష్టంగా లాగించారు.
బెంగళూర్లో ఉండగా ఆయన పాపులర్ కేఫ్లో దక్షిణాది వంటకాలను ప్రయత్నించిన ఫొటోలను చెఫ్ గ్యారీ మెహిగన్ ఇన్స్టాగ్రాంలో పోస్ట్ చేశారు. రామేశ్వరం కేఫ్ను సందర్శించిన గ్యారీ అకకడ రాగి దోశ, ఘీ రోస్ట్ దోశ, మేదు వడ, ఘీ పొడి ఇడ్లీ, కేసరి బాత్ను టేస్ట్ చేయడంతో పాటు ఫిల్టర్ కాఫీని కూడా ఆస్వాదించారు. ఇది సరైన దోశ, నేను మళ్లీ వస్తా అని ఇన్స్టా పోస్ట్కు అతడు క్యాప్షన్ ఇచ్చాడు.
ఈ పోస్ట్ కొద్దిసేపటికే నెట్టింట తెగ వైరలవుతోంది. బెంగళూర్లో ఇతర రెస్టారెంట్ల వివరాలను కూడా కొందరు నెటిజన్లు ప్రస్తావించగా, అతడు నా కంటే ఎక్కువ భారతీయుడని ఓ వ్యక్తి కామెంట్ చేయగా, ఇందిరా నగర్లో ఫిల్టర్ కాఫీ ఇంకా బాగుంటుందని మరో నెటిజన్ రాసుకొచ్చారు. ఇక్కడ వెల్లుల్లి రోస్ట్ దోశ తింటే వదిలిపెట్టరని మరో యూజర్ కామెంట్ చేశారు. భారత్లో గ్యారీ లైఫ్ ఎంజాయ్ చేస్తున్నాడని మరొకరు కామెంట్ చేశారు.
Read More :