Natural Satellite of Earth | భూవాతావరణాన్ని ప్రభావితం చేస్తున్నది ఎవరో తెలుసా..?

Moon | అంతుబట్టని విషయాలకు నెలవు అంతరిక్షం. ఆ విషయాల్లో చంద్రుడు కూడా ఒకటి. చంద్రయాన్‌-3 అనుకున్నట్టుగా సాఫ్ట్‌ ల్యాండింగ్‌ అయితే చంద్రుడి పుట్టుక, ఉపరితలంపై ఏమున్నది? అన్నదానిపై మరింత సమాచారం వెలువడుతుంది.

Moon | న్యూఢిల్లీ: అంతుబట్టని విషయాలకు నెలవు అంతరిక్షం. ఆ విషయాల్లో చంద్రుడు కూడా ఒకటి. చంద్రయాన్‌-3 అనుకున్నట్టుగా సాఫ్ట్‌ ల్యాండింగ్‌ అయితే చంద్రుడి పుట్టుక, ఉపరితలంపై ఏమున్నది? అన్నదానిపై మరింత సమాచారం వెలువడుతుంది. ఒక సిద్ధాంతం ప్రకారం, సౌర కుటుంబం ఏర్పడిన (6 నుంచి 17.5 కోట్ల సంవత్సరాలకు) తొలినాళ్లలో భారీ పరిమాణంలోని ఓ అంతరిక్ష శకలం భూమిని ఢీకొనగా, ఏర్పడ్డ శకలాలు.. భూమి నుంచి విడిపోయిన ఓ భాగం చంద్రుడిగా ఏర్పడ్డాయి. ఈ థియరీ చాలామంది శాస్త్రవేత్తల ఆమోదం పొందింది. ఇదికాక మరో మూడు థియరీలు ఉన్నాయని బ్రిటన్‌ పరిశోధకురాలు సారా రస్సెల్స్‌ చెబుతున్నారు.

‘ఓ ఆస్టరాయిడ్‌ భూ ఆకర్షణలో చిక్కుకుపోయి కొంతకాలానికి భూ కక్ష్యలో చేరింది. రెండోది..భూమి, చంద్రుడు ఒకేసారి ఆవిర్భవించాయి. మూడోది.. భూపరిభ్రమణం వల్ల ఓ ముక్క విడివడి.. చంద్రుడిగా ఏర్పడింది’ అని ఆమె వివరించారు. అపోలో మిషన్స్‌ ద్వారా చంద్రుడి ఉపరితలం నుంచి రాళ్లు, మట్టిని తీసుకురాగలిగాం. ఆ మట్టిలోని రసాయన సమ్మేళనాలు, ఐసోటోప్‌లకు.. భూమిపై లభించే వాటికి సారూప్యతలు ఉన్నాయని శాస్త్రవేత్తలు తేల్చారు. భూమిపై స్థిరమైన వాతావరణం ఏర్పడటానికి చంద్రుడు దోహదపడుతున్నాడని ఓ థియరీ ఉంది. భూవాతావరణాన్ని చంద్రుడు ప్రభావితం చేస్తున్నాడని, చంద్రుడ్ని ‘సహజసిద్ధమైన శాటిలైట్‌’గా శాస్త్రవేత్తలు పేర్కొంటారు.