మరో రెండేండ్ల సర్వీసు తర్వాత అగ్నివీరులకు పొడిగింపు

అగ్నివీరులుగా భారత సైన్యంలో చేరిన వారందరూ మరో రెండేండ్లు అదనంగా సర్వీసు పూర్తయిన తరువాత సాధారణ సైనికులుగా చేరడానిక అర్హత పొందుతారని రక్షణ మంత్రి రాజ్‌నాథ్‌ సింగ్‌ శనివారం తెలిపారు.

న్యూఢిల్లీ: అగ్నివీరులుగా భారత సైన్యంలో చేరిన వారందరూ మరో రెండేండ్లు అదనంగా సర్వీసు పూర్తయిన తరువాత సాధారణ సైనికులుగా చేరడానిక అర్హత పొందుతారని రక్షణ మంత్రి రాజ్‌నాథ్‌ సింగ్‌ శనివారం తెలిపారు. కేవలం నాలుగేండ్ల సర్వీసు కోసం కేంద్ర ప్రభుత్వం 2022లో అగ్నివీరులను సైన్యంలో చేర్చుకున్న సంగతి తెలిసిందే.

మొదటి బ్యాచ్‌లో చేరినవారందరూ సైన్యం నుంచి వైదొలిగే సమయం ఆసన్నమైన నేపథ్యంలో వారి సర్వీసును మరో రెండేండ్లు పొడిగిస్తున్నట్టు కేంద్రం ప్రకటించింది. ఆ తరువాత కూడా వారు అర్హులైతే శాశ్వత సైనికులుగా చేర్చుకుంటామని రాజ్‌నాథ్‌ పేర్కొన్నారు. ఈ నిర్ణయం అగ్నివీరులకు దీపావళి కానుక వంటిదని ఆయన పేర్కొన్నారు. త్వరలో ఆయా రాష్ర్టాల్లో జరుగనున్న అసెంబ్లీ ఎన్నికలను దృష్టిలో పెట్టుకొనే కేంద్రం అగ్నివీరుల విషయంలో తమ నిర్ణయాన్ని మార్చుకున్నట్టు తెలుస్తున్నది.