ఈ ఏడాదీ జన గణన లేనట్టే!

కేంద్ర బడ్జెట్‌లో జనగణనకు కేవలం రూ.1,309.46 కోట్లను కేటాయించారు. 2021-22లో కేటాయించిన రూ.3,786 కోట్లతో పోల్చితే ఈ మొత్తం చాలా తక్కువ. ఈ నేపథ్యంలో ఈ ఏడాది కూడా జనగణన ఉండకపోవచ్చని భావిస్తున్నారు.

• బడ్జెట్‌లో కేవలం రూ.1300 కోట్లు కేటాయింపు

న్యూఢిల్లీ, జూలై 23: కేంద్ర బడ్జెట్‌లో జనగణనకు కేవలం రూ.1,309.46 కోట్లను కేటాయించారు. 2021-22లో కేటాయించిన రూ.3,786 కోట్లతో పోల్చితే ఈ మొత్తం చాలా తక్కువ. ఈ నేపథ్యంలో ఈ ఏడాది కూడా జనగణన ఉండకపోవచ్చని భావిస్తున్నారు.

డిసెంబర్‌ 24, 2019న జరిగిన కేంద్ర క్యాబినెట్‌ సమావేశంలో జనగణనకు రూ.8,754.23 కోట్లు, జాతీయ జనాభా రిజిస్టర్‌ రూపకల్పనకు రూ.3,941.35 కోట్లు కేటాయించడానికి ఆమోదం తెలిపారు. అయితే కొవిడ్‌ కారణంగా 2020లో నిర్వహించాల్సిన జన గణనను వాయిదా వేశారు. ఈ ఏడాది సార్వత్రిక ఎన్నికల కారణంగా మరోసారి దాన్ని వాయిదా వేశారు. ఈసారి డిజిటల్‌ పద్ధతిలో పౌరులే తమ వివరాలు వెబ్‌సైట్‌లో అప్‌లోడ్‌ చేసేలా జన గణన నిర్వహించాలని కేంద్రం భావిస్తున్నది. ఇందుకోసం రూ.12 వేల కోట్లు ఖర్చు కావొచ్చని అంచనా వేస్తున్నారు.