Pakistani Drone: 3 కేజీల హెరాయిన్ త‌ర‌లిస్తున్న పాక్ డ్రోన్ ప‌ట్టివేత‌

Pakistani Drone: హెరాయిన్ త‌ర‌లిస్తున్న పాక్ డ్రోన్‌ను బోర్డ‌ర్ పోలీసులు ప‌ట్టుకున్నారు. పంజాబ్‌లోని ఖేమ్‌క‌ర‌న్ గ్రామం వ‌ద్ద ఆ డ్రోన్‌ను సీజ్ చేశారు. డ్రోన్‌కు టేపు క‌ట్టి దాని ద్వారా సుమారు మూడు కిలోల హెరాయిన్ త‌ర‌లిస్తున్న‌ట్లు జ‌వాన్లు గుర్తించారు.

ఖేమ్‌క‌ర‌న్‌: పంజాబ్‌లో స‌రిహ‌ద్దు వ‌ద్ద బీఎస్ఎఫ్ జ‌వాన్లు.. పాకిస్థాన్‌కు చెందిన డ్రోన్‌(Pakistani Drone)ను ప‌ట్టుకున్నారు. ఆ డ్రోన్ ద్వారా సుమారు మూడు కిలోల హెరాయిన్‌ను స‌ర‌ఫ‌రా చేస్తున్నారు. బోర్డ‌ర్ సెక్యూర్టీ ఫోర్స్‌తో పాటు పంజాబ్ పోలీసులు సంయుక్తంగా ఈ ఆప‌రేష‌న్ చేప‌ట్టారు. టార్న్ త‌ర‌న్ జిల్లాలోని ఖేమ్‌క‌ర‌న్ గ్రామంలో పోలీసులు ఆ డ్రోన్‌ను స్వాధీనం చేసుకున్నారు. పంట పొలాల్లో డ్రోన్‌ను సీజ్ చేశారు. ఎల్లో రంగు టేప్ చుట్టి డ్రోన్ ద్వారా డ్ర‌గ్స్ స‌ర‌ఫ‌రా చేస్తున్నారు. ఇటీవ‌ల పంజాబ్‌లో పాక్ నుంచి వ‌స్తున్న అనేక డ్రోన్ల‌ను జ‌వాన్లు స్వాధీనం చేసుకున్న విష‌యం తెలిసిందే.