లక్నో: వివాహ రిసెప్షన్లో ఘర్షణ జరిగింది. డీజే డ్యాన్స్ నేపథ్యంలో రెండు వర్గాల వారు కొట్టుకున్నారు. ఒకరిపై మరొకరు కుర్చీలు విసురుకున్నారు. (Brawl At Wedding Reception) ఈ వీడియో క్లిప్ సోషల్ మీడియాలో వైరల్ అయ్యింది. ఉత్తరప్రదేశ్ రాజధాని లక్నోలో ఈ సంఘటన జరిగింది. అమీనాబాద్ పోలీస్ స్టేషన్ పరిధిలోని గుంగే నవాబ్ పార్క్ ప్రాంతంలో ఉన్న బుద్ధ లాల్ బద్లు ప్రసాద్ ధర్మశాలలో శుక్రవారం రాత్రి పెళ్లి రిసెప్షన్ జరిగింది. ఈ సందర్భంగా డీజే మ్యూజిక్కు అనుగుణంగా కొందరు డ్యాన్స్ చేశారు.
కాగా, డ్యాన్స్ సందర్భంగా రెండు వర్గాల మధ్య ఘర్షణ జరిగింది. దీంతో ఒకరినొకరు కొట్టుకున్నారు. అక్కడున్న కుర్చీలను విసురుకున్నారు. ఈ సంఘటనలో మహిళతో సహా ముగ్గురు గాయపడ్డారు. ఈ సమాచారం అందుకున్న పోలీసులు సంఘటనా స్థలానికి చేరుకున్నారు. ఇరు వర్గాలకు సర్దిచెప్పడంతోపాటు వారిని పోలీస్ స్టేషన్కు తీసుకెళ్లారు. అయితే ఎవరూ ఫిర్యాదు చేయకపోవడంతో ఎలాంటి కేసు నమోదు చేయలేదు. మరోవైపు కొందరు వ్యక్తులు తమ మొబైల్ ఫోన్లలో రికార్డ్ చేసిన వీడియో క్లిప్స్ సోషల్ మీడియాలో వైరల్ అయ్యాయి.
शादी समारोह में शामिल युवकों ने जमकर मचाया हंगामा !!#लखनऊ !!
थाना #अमीनाबाद क्षेत्र में गूंगे नवाब पार्क के सामने बुद्ध लाल बदलू प्रसाद धर्म ट्रस्ट में शादी समारोह में शामिल हुए युवकों ने जमकर मचाया हंगामा।शादी में अफरा-तफरी माहौल।
मारपीट के दौरान जमकर चलाई कुर्सी कई लोगों… pic.twitter.com/7G3h9DNJaK
— MANOJ SHARMA LUCKNOW UP🇮🇳🇮🇳🇮🇳 (@ManojSh28986262) February 9, 2024