Suresh Gopi | వివక్షపై భగ్గుమన్న విపక్షం : బడ్జెట్‌పై సురేష్‌ ప్రభు కీలక వ్యాఖ్యలు

Suresh Gopi  : ఆర్ధిక శాఖ మంత్రి నిర్మలా సీతారామన్‌ మంగళవారం పార్లమెంట్‌లో ప్రవేశపెట్టిన కేంద్ర బడ్జెట్‌లో పలు రాష్ట్రాలకు అన్యాయం జరిగిందని విపక్షాలు భగ్గుమన్నాయి.

Suresh Gopi  : ఆర్ధిక శాఖ మంత్రి నిర్మలా సీతారామన్‌ మంగళవారం పార్లమెంట్‌లో ప్రవేశపెట్టిన కేంద్ర బడ్జెట్‌లో పలు రాష్ట్రాలకు అన్యాయం జరిగిందని విపక్షాలు భగ్గుమన్నాయి. ఏపీ, బిహార్‌ మినహా ఇతర రాష్ట్రాల ఊసెత్తలేదని మండిపడ్డాయి. కేంద్ర బడ్జెట్‌లో వివక్షకు వ్యతిరేకంగా విపక్ష ఇండియా కూటమి ఎంపీలు పార్లమెంట్‌ లోపల, వెలుపల నిరసనలు చేపట్టాయి. కేంద్ర బడ్జెట్‌లో ప్రభుత్వం చూపిన వివక్షకు వ్యతిరేకంగా విపక్షాలు చేపట్టిన నిరసనలపై బీజేపీ ఎంపీ సురేష్‌ గోపీ స్పందించారు.

నిరసన చేపట్టడం విపక్ష హక్కని, వారి బాధ్యతను వారిని నిర్వర్తించనీయండని ఆయన వ్యాఖ్యానించారు. ఈ బడ్జెట్‌ దేశ పురోభివృద్ధికి రూపొందించారని, మధ్యతరగతి వారికి కొద్దిగా భరోసా ఇవ్వాల్సిన అవసరం ఉందని, ఈ బడ్జెట్‌లో ఆ దిశగా కొంత మేర వారికి ఊరట కల్పించడం జరిగిందని చెప్పుకొచ్చారు. ఉద్యోగులు, యజమానుల మధ్య సమతూకం పాటిస్తూ ఇరువురి ప్రయోజనాలనూ కాపాడే ప్రయత్నం జరిగిందని అన్నారు. ప్రజల దృష్టి కోణంలో బడ్జెట్‌ను చూడాలని, రాజకీయ కోణంలో కాదని విపక్షాలకు బీజేపీ ఎంపీ సురేష్‌ ప్రభు హితవు పలికారు.

కాగా, అంతకుముందు కేంద్ర ఆర్థికశాఖ మంత్రి నిర్మలా సీతారామన్‌ ప్రవేశ పెట్టిన బడ్జెట్‌ (Union Budget 2024) పై ప్రతిపక్ష ‘ఇండియా’ కూటమి (INDIA parties) నేతలు తీవ్ర అసంతృప్తి వ్యక్తం చేస్తున్నారు. ఈ మేరకు కేంద్ర బడ్జెట్‌కు వ్యతిరేకంగా నిరసన తెలిపారు. బుధవారం ఉదయం సమావేశాలకు ముందు కూటమి పార్టీలకు చెందిన ఎంపీలంతా పార్లమెంట్‌ (Parliament) వద్దకు చేరుకొని ఆందోళన చేపట్టారు. ప్రభుత్వానికి వ్యతిరేకంగా నినాదాలు చేశారు. ప్రభుత్వాన్ని కాపాడుకునేందుకు ప్రవేశ పెట్టిన బడ్జెట్‌ ఇది అని ఆరోపించారు.

Read More :

Singareni | సింగరేణిని ప్రైవేటీకరించే ప్రసక్తేలేదు.. లోక్‌సభలో కేంద్రం