Five Of A Family Found Dead | తల్లి, భార్య, ఇద్దరు పిల్లలను చంపి.. రైలు ముందు దూకి వ్యక్తి ఆత్మహత్య

Five Of A Family Found Dead | ఒక వ్యక్తి తన తల్లి, భార్య, ఇద్దరు పిల్లలను హత్య చేశాడు. ఆ తర్వాత రైలు పట్టాల వద్దకు వెళ్లాడు. రైలు ముందు దూకి ఆత్మహత్యకు పాల్పడ్డాడు. ఒకే కుటుంబానికి చెందిన ఐదుగురు మరణించడంపై పోలీసులు దర్యాప్తు చేస్తున్నారు.

భోపాల్‌: ఒక వ్యక్తి తన తల్లి, భార్య, ఇద్దరు పిల్లలను హత్య చేశాడు. ఆ తర్వాత రైలు పట్టాల వద్దకు వెళ్లాడు. రైలు ముందు దూకి ఆత్మహత్యకు పాల్పడ్డాడు. ఒకే కుటుంబానికి చెందిన ఐదుగురు మరణించడంపై పోలీసులు దర్యాప్తు చేస్తున్నారు. (Five Of A Family Found Dead) మధ్యప్రదేశ్‌ రాజధాని భోపాల్‌లో ఈ సంఘటన జరిగింది. సోమవారం ఉదయం ఛోలా ప్రాతంలోని ఒక ఇంట్లో ఇద్దరు మహిళలు, ఇద్దరు పిల్లలు విగతజీవులుగా కనిపించారు. రైలు పట్టాల వద్ద ఒక వ్యక్తి మృతదేహం లభించింది. ఆ ఐదుగురూ ఒకే కుటుంబానికి చెందిన వారిగా పోలీసులు గుర్తించారు. 35 ఏళ్ల నరేంద్ర సాహు తన తల్లి అయిన 55 ఏళ్ల సరస్వతి, 29 ఏళ్ల భార్య సోమలత, పదేళ్ల కుమార్తె కృతి, ఆరేళ్ల కుమారుడు ఖుష్‌ను ఇంట్లో చంపినట్లు పోలీసులు అనుమానిస్తున్నారు. ఆ తర్వాత ఇంటి నుంచి బయటకు వెళ్లిన అతడు, రైలు పట్టాల వద్ద రైలు ముందు దూకి ఆత్మహత్య చేసుకున్నట్లు భావిస్తున్నారు.

కాగా, ఒకే కుటుంబానికి చెందిన ఐదుగురి మృతదేహాలను పోస్ట్‌మార్టం కోసం ప్రభుత్వ ఆసుపత్రికి పోలీసులు తరలించారు. వారి మరణంపై కేసు నమోదు చేశారు. నరేంద్ర తన కుటుంబ సభ్యులను చంపి ఆత్మహత్యకు పాల్పడటానికి కారణం ఏమిటన్నది దర్యాప్తు చేస్తున్నారు. ఈ సంఘటనకు ముందు ఆ ఇంట్లో ఏం జరిగిందో అన్నది తేలిన తర్వాత మరిన్ని వివరాలు వెల్లడయ్యే అవకాశమున్నదని పోలీస్‌ అధికారి తెలిపారు. అన్ని కోణాల్లో దర్యాప్తు చేస్తున్నట్లు చెప్పారు.