BJP MLA: బాణాసంచా పేల్చితే.. అనేక వ్యాధులు దూరం : బీజేపీ ఎమ్మెల్యే

BJP MLA : ప‌టాకులు పేల్చ‌డం వ‌ల్ల అనేక వ్యాధులు న‌యం అవుతాయ‌ని బీజేపీ ఎమ్మెల్యే పాపియా అధికారి అన్నారు. బెంగాల్‌లోని టొల్లింగ‌జి నియోజ‌క‌వ‌ర్గంలో జ‌రిగిన కాళీ పూజ కార్య‌క్ర‌మంలో ఆమె మాట్లాడుతూ ఈ వ్యాఖ్య‌లు చేశారు.

కోల్‌క‌తా : ప‌టాకులు పేల్చ‌డం వ‌ల్ల అనేక వ్యాధులు న‌యం అవుతాయ‌ని బీజేపీ ఎమ్మెల్యే(BJP MLA) పాపియా అధికారి అన్నారు. బెంగాల్‌లోని టొల్లింగ‌జి ఎమ్మెల్యే అయిన ఆమె.. త‌మ నియోజ‌క‌వ‌ర్గంలో జ‌రిగిన కాళీ పూజ కార్య‌క్ర‌మంలో పాల్గొన్నారు. అయితే ఆ ఎమ్మెల్యే ప్ర‌సంగం చేస్తున్న స‌మ‌యంలో.. కొన్ని ప‌టాకులు పేలాయి. ఆ సంద‌ర్భంలో ఆమె మాట్లాడుతూ బాణాసంచా పేల్చ‌డం వ‌ల్ల అనేక వ్యాధులు దూరం అవుతాయ‌ని అన్నారు.

ప‌టాకులు పేల్చుకోవ‌చ్చు అని సీఎం తెలిపార‌ని, బాణాసంచా పేల్చకుండా కాళీ పూజ పూర్తి కాదు అని, త‌ప్ప‌కుండా ఫైర్‌క్రాక‌ర్స్ పేల్చుతామ‌ని, కానీ పోలీసుల మార్గ‌ద‌ర్శ‌కాల ప్ర‌కారం ఆ ప‌టాకుల పేలుళ్లు ఉంటాయ‌ని ఎమ్మెల్యే పాపియా అధికారి అన్నారు. అయితే బెంగాల్ సీఎం సువేంధు అధికారి ఇటీవ‌ల‌ కాళీ పూజ పందిళ్ల‌ను ప్రారంభించిన నేప‌థ్యంలో మాట్లాడుతూ.. ఎకో ఫ్రెండ్లీ, గ్రీన్ క్రాక‌ర్స్ కాల్చాల‌ని ఆయ‌న అన్నారు. భారీ శ‌బ్ధాలు వ‌చ్చే ప‌టాకులు పేల్చ‌వ‌ద్దు అన్నారు. శ‌బ్ధ కాలుష్యాన్ని దృష్టిలో పెట్టుకోవాల‌న్నారు.