CJP Leaders: జంత‌ర్ మంత‌ర్‌లోకి చొర‌బాటు.. 5 రోజుల క‌స్ట‌డీలోకి సీజేపీ నేత‌లు

CJP Leaders: ఢిల్లీలోని జంత‌ర్ మంత‌ర్‌లోకి చొర‌బ‌డిన‌ కాక్రోచ్ జ‌న‌తా పార్టీ నేత‌లు సౌర‌వ్ దాస్‌, ఆశుతోష్ రాంకాల‌ను ప్రివెన్టివ్ కస్ట‌డీలోకి తీసుకున్నారు. అయిదు రోజుల పాటు సీజేపీ నేత‌లు జుడిషియ‌ల్ క‌స్ట‌డీలో ఉండ‌నున్నారు. మ‌రో నేత అజింక్య షిండే కూడా పోలీసులు క‌స్ట‌డీలోకి వెళ్లాడు.

న్యూఢిల్లీ: ఢిల్లీలోని జంత‌ర్ మంత‌ర్‌లోకి చొర‌బ‌డిన‌ కాక్రోచ్ జ‌న‌తా పార్టీ నేత‌లు(CJP Leaders) సౌర‌వ్ దాస్‌, ఆశుతోష్ రాంకాల‌ను ప్రివెన్టివ్ కస్ట‌డీలోకి తీసుకున్నారు. అయిదు రోజుల పాటు సీజేపీ నేత‌లు జుడిషియ‌ల్ క‌స్ట‌డీలో ఉండ‌నున్నారు. మ‌రో నేత అజింక్య షిండే కూడా పోలీసులు క‌స్ట‌డీలోకి వెళ్లాడు. బెయిల్ ష‌ర‌తును ఉల్లంఘించి, ప్ర‌జా వ్య‌వ‌హారాల‌కు అవ‌రోధంగా మారినట్లు వారిపై కేసు బుక్ చేశారు. ఇవాళ ఉద‌యం 8 గంట‌ల‌కు ఢిల్లీలోని మందిర్ మార్గ్‌లో ఉన్న మెజిస్ట్రేట్ ముందు ఆ ముగ్గురు నేత‌ల్ని ప్ర‌వేశ‌పెట్టారు. సీజేపీ వ్య‌వ‌స్థాప‌కుడు అభిజీత్ దీప్కే ఇవాళ త‌న ఎక్స్‌లో ఓ పోస్టు చేశారు. ఆశు, సౌర‌వ్‌ల‌ను 5 రోజుల క‌స్ట‌డీలోకి తీసుకున్న‌ట్లు చెప్పారు. జంత‌ర్ మంత‌ర్ వ‌ద్ద జాతీయ జెండాను ప్ర‌ద‌ర్శించ‌డ‌మే వాళ్లు చేసిన త‌ప్పా అంటూ ఆయ‌న ప్ర‌శ్నించారు. ప్ర‌జా వ్య‌తిరేక‌త‌ను అణిచివేసే విధానం ఇది కాద‌న్నారు. ప్ర‌ధాని మోదీ గారు మీకు ధైర్యం ఉంటే ఎమ‌ర్జెన్సీ ప్ర‌క‌టించాల‌ని దీప్కే పేర్కొన్నారు.

Ashu and Saurav have been sent to 5 days judicial custody.

Their fault? Unfurling tricolour at Jantar Mantar.

Show some guts, @narendramodi. If you’re so determined to crush dissent, have the courage to officially declare an Emergency instead of hiding behind these cowardly tactics.

— Abhijeet Dipke (@abhijeet_dipke) October 14, 2026