మైక్రోసాఫ్ట్‌లో మళ్లీ ఉద్యోగాల కోత

టెక్‌ దిగ్గజం మైక్రోసాఫ్ట్‌ మరోసారి ఉద్యోగాల కోత (లేఆఫ్స్‌)ను ప్రకటించింది. వివిధ ప్రాంతాల్లో పనిచేస్తున్న పలు టీమ్‌లకు చెందినవారిని తొలగిస్తున్నట్టు ‘గీక్‌ వైర్‌' అనే మీడియా సంస్థ తెలిపింది. అయితే ఎంతమందిని ఉద్యోగం నుంచి తొలగించిందో వెల్లడించలేదు.

న్యూఢిల్లీ, జూలై 4: టెక్‌ దిగ్గజం మైక్రోసాఫ్ట్‌ మరోసారి ఉద్యోగాల కోత (లేఆఫ్స్‌)ను ప్రకటించింది. వివిధ ప్రాంతాల్లో పనిచేస్తున్న పలు టీమ్‌లకు చెందినవారిని తొలగిస్తున్నట్టు ‘గీక్‌ వైర్‌’ అనే మీడియా సంస్థ తెలిపింది. అయితే ఎంతమందిని ఉద్యోగం నుంచి తొలగించిందో వెల్లడించలేదు. ఉద్యోగం పోయిన పలువురు లింక్డిన్‌ వేదికగా పోస్టులు పెడుతుండటాన్ని బట్టి చూస్తే.. ప్రోడక్ట్‌, ప్రోగ్రాం మేనేజ్‌మెంట్‌ విభాగాల్లో తొలగింపులు చోటుచేసుకున్నట్టు తెలుస్తున్నది.

గత ఏడాదిలో మైక్రోసాఫ్ట్‌లో మొత్తం ఉద్యోగుల సంఖ్య 2.32 లక్షల నుంచి 2.27 లక్షలకు తగ్గింది. ఈ ఏడాది జనవరిలో గేమింగ్‌ డివిజన్‌లో 2వేల మందిని విధుల నుంచి తొలగించింది. అజ్యూర్‌, మిక్స్‌డ్‌ రియాలిటీ విభాగంలో వెయ్యి మందిని ఇంటికి పంపింది. తాజాగా చేపట్టిన తొలగింపుల ప్రక్రియ అందుకు అదనం. ఈ ఏడాది ఇండస్ట్రీలో దాదాపు 1 లక్ష మంది ఉద్యోగులకు పలు టెక్‌ కంపెనీలు లే ఆఫ్‌లు ప్రకటించినట్టు ‘లేఆఫ్స్‌’ వెబ్‌సైట్‌ పేర్కొన్నది.