కలెక్టర్లకు అమిత్‌ షా బెదిరింపులు: కాంగ్రెస్‌

కేంద్ర హోం మంత్రి అమిత్‌ షా జిల్లాల కలెక్టర్లకు ఫోన్లు చేసి నిస్సిగ్గుగా, బాహాటంగా బెదిరిస్తున్నారని కాంగ్రెస్‌ ఆరోపించింది. జిల్లా రిటర్నింగ్‌ అధికారిగా వ్యవహరించే కలెక్టర్లు 150 మందికి.

న్యూఢిల్లీ: కేంద్ర హోం మంత్రి అమిత్‌ షా జిల్లాల కలెక్టర్లకు ఫోన్లు చేసి నిస్సిగ్గుగా, బాహాటంగా బెదిరిస్తున్నారని కాంగ్రెస్‌ ఆరోపించింది. జిల్లా రిటర్నింగ్‌ అధికారిగా వ్యవహరించే కలెక్టర్లు 150 మందికి. అమిత్‌ షా ఫోన్లు చేశారని, దీన్ని బట్టి బీజేపీ ఎంత నైరాశ్యంలో కొట్టుమిట్టాడుతున్నదో స్పష్టమవుతున్నదని కాంగ్రెస్‌ ప్రధాన కార్యదర్శి జైరామ్‌ రమేశ్‌ ట్వీట్‌చేశారు. ప్రజల అభిప్రాయమే గెలుస్తుందని, జూన్‌ 4న అమిత్‌ షా, నరేంద్ర మోదీ, బీజేపీకి ఎగ్జిట్‌ తప్పదని అన్నారు. ఇండియా జనబంధన్‌ విజేతగా నిలుస్తుందన్నారు. అధికారులు నిర్భయంగా విధులు నిర్వహించాలన్నారు.