Air India: బాంబు బెదిరింపు.. ఫ్రాంక్‌ఫర్ట్ నుంచి వ‌స్తున్న విమానం జైపూర్‌లో ల్యాండింగ్

Air India: ఫ్రాంక్‌ఫ‌ర్ట్ నుంచి ఢిల్లీకి వ‌స్తున్న ఎయిర్ ఇండియా విమానాన్ని ఇవాళ అత్య‌వ‌స‌రంగా జైపూర్‌లో ల్యాండింగ్ చేశారు. బాంబు బెదిరింపు రావ‌డంతో ఆ విమానాన్ని ఎమ‌ర్జెన్సీ ల్యాండింగ్ చేయించిన‌ట్లు అధికారులు చెప్పారు. సెక్యూర్టీ చెకింగ్ కోసం ఐసోలేష‌న్ బేలోకి తీసుకెళ్లారు.

జైపూర్‌: జ‌ర్మ‌నీలోని ఫ్రాంక్‌ఫ‌ర్ట్ నుంచి ఢిల్లీకి వ‌స్తున్న ఎయిర్ ఇండియా(Air India) విమానాన్ని ఇవాళ అత్య‌వ‌స‌రంగా జైపూర్‌లో ల్యాండింగ్ చేశారు. బాంబు బెదిరింపు రావ‌డంతో ఆ విమానాన్ని ఎమ‌ర్జెన్సీ ల్యాండింగ్ చేయించిన‌ట్లు అధికారులు చెప్పారు. ఫ్ల‌యిట్ ఏఐ20230 బోయింగ్ 787-9 విమానాన్ని అత్య‌వ‌స‌రంగా జైపూర్ ఇంట‌ర్నేష‌న్ ఎయిర్‌పోర్టులో దించారు. సెక్యూర్టీ చెకింగ్ కోసం ఐసోలేష‌న్ బేలోకి తీసుకెళ్లారు. ఎమ‌ర్జెన్సీ ల్యాండింగ్ గురించి విమానాశ్ర‌య అధికారులు చెప్పిన‌ట్లు మాల్వీయ న‌గ‌ర్ ఏసీపీ శివ‌ద‌యాల్ పేర్కొన్నారు. ఈ ఘ‌ట‌న‌కు చెందిన పూర్తి వివ‌రాల‌ను వెల్ల‌డించాల్సి ఉన్న‌ది.

భ‌ద్ర‌తా సిబ్బంది ప్ర‌స్తుతం ఆ విమానాన్ని చెక్ చేస్తున్న‌ట్లు తెలిపారు. స్క్వాక్ కోడ్ 7500ని పైల‌ట్ నొక్కిన‌ట్లు కొన్ని వ‌ర్గాల ద్వారా తెలుస్తోంది. ముంబై ఫ్ల‌యిట్ ఇన్ఫ‌ర్మేష‌న్ ప్రాంతంలో ఉన్న‌ప్పుడు ఈ సంఘ‌ట‌న జ‌రిగింది. దీంతో ఆ విమానాన్ని అత్య‌వ‌స‌రంగా జైపూర్‌కు మ‌ళ్లించారు. విమానంలో ఎంత మంది ప్ర‌యాణికులు ఉన్నారో ఇంకా స్ప‌ష్టం తెలియ‌దు. ఎయిర్ ఇండియా సంస్థ దీనిపై అధికారిక ప్ర‌క‌ట‌న చేయాల్సి ఉన్న‌ది.