బాలికను తంతూ ప‌రుగెత్తించిన‌ యువ‌కుడు.. వీడియో వైర‌ల్

రాంచీ : ఓ యువ‌కుడు ప‌శువులా ప్ర‌వ‌ర్తించాడు. త‌న ప్రేయ‌సిపై దారుణానికి పాల్ప‌డ్డాడు. పంట పొలాల్లోకి తీసుకెళ్లి ఆ బాలిక‌ను చిత్రహింస‌ల‌కు గురి చేశాడు. ఆ విద్యార్థినిని త‌న కాళ్ల‌తో ఘోరంగా తంతూ పరుగెత్తించాడు. ఈ ఘ‌ట‌న జార్ఖండ్‌లోని దుమ్కా జిల్లాలో వెలుగు చూసింది.

దుమ్కా జిల్లాకు చెందిన ఓ విద్యార్థిని.. 16 ఏండ్ల యువ‌కుడు గ‌త కొంత‌కాలంగా ప్రేమించుకుంటున్నారు. అయితే వీరిద్ద‌రి మ‌ధ్య మ‌న‌స్ప‌ర్థ‌లు తలెత్త‌డంతో.. ఆ బాలిక‌ను యువ‌కుడు పంట పొలాల్లోకి తీసుకెళ్లాడు. అక్క‌డ ఆమెపై విచక్ష‌ణార‌హితంగా దాడి చేశాడు. కాళ్లతో తంతూ ప‌రుగెత్తించాడు. బాధితురాలు కింద ప‌డిపోయినా క‌నిక‌రం చూప‌కుండా.. ఆమెపై విరుచుకుప‌డ్డాడు. ఈ ఘ‌ట‌న‌ను యువ‌కుడి స్నేహితులు రికార్డ్ చేసి సామాజిక మాధ్య‌మాల్లో వైర‌ల్ చేశారు. ఈ ఘ‌ట‌న 15 రోజుల క్రితం జ‌రిగిన‌ట్లు పోలీసులు నిర్ధారించారు. యువ‌కుడు తొమ్మిదో త‌ర‌గ‌తి చదువుతున్న‌ట్లు పోలీసులు పేర్కొన్నారు.

సీఎం హేమంత్ సోరెన్ సీరియ‌స్

ఈ ఘ‌ట‌న ప‌ట్ల జార్ఖండ్ ముఖ్య‌మంత్రి హేమంత్ సోరెన్ సీరియ‌స్‌గా స్పందించారు. బాలిక ప‌ట్ల దారుణంగా ప్ర‌వ‌ర్తించిన యువ‌కుడిపై క‌ఠిన చ‌ర్య‌లు తీసుకోవాల‌ని పోలీసుల‌కు సీఎం సూచించారు. దీంతో ఆ యువ‌కుడిని పోలీసులు అదుపులోకి తీసుకొని రిమాండ్‌కు త‌ర‌లించారు.

.@pakurpolice कृपया उक्त मामले की जांच कर आरोपियों पर कार्यवाई करते हुए सूचित करें।@dcpakur @JharkhandPolice https://t.co/UO6W841jqB

— Hemant Soren (@HemantSorenJMM) May 22, 2022