గుండెపోటుతో 9 ఏండ్ల బాలిక మృతి

ఢిల్లీలో 9 ఏండ్ల బాలిక తరగతి గదిలోనే కుప్పకూలి మరణించింది. తూర్పు ఢిల్లీలోని మయూర్‌ విహార్‌లో ఉన్న లవ్లీ పబ్లిక్‌ స్కూల్‌లో బుధవారం 3వ తరగతి స్టూడెంట్లకు టీచర్‌ పాఠాలు చెబుతున్నారు. ఈ క్రమంలో 9 ఏండ్ల బాలిక నిలబడి టీచర్‌ వైపు వెళ్తున్న క్రమంలో కుప్పకూలిపోయింది.

న్యూఢిల్లీ : ఢిల్లీలో 9 ఏండ్ల బాలిక తరగతి గదిలోనే కుప్పకూలి మరణించింది. తూర్పు ఢిల్లీలోని మయూర్‌ విహార్‌లో ఉన్న లవ్లీ పబ్లిక్‌ స్కూల్‌లో బుధవారం 3వ తరగతి స్టూడెంట్లకు టీచర్‌ పాఠాలు చెబుతున్నారు. ఈ క్రమంలో 9 ఏండ్ల బాలిక నిలబడి టీచర్‌ వైపు వెళ్తున్న క్రమంలో కుప్పకూలిపోయింది. వెంటనే ఆమెను స్థానిక దవాఖానకు తరలించగా గుండెపోటు వచ్చిందని.. మెరుగైన వైద్యం కోసం మరో దవాఖానకు తరలించాలని వైద్యులు సూచించారు. నిర్మాణ్‌ విహార్‌లో ఉన్న మరో దవాఖానకు తరలించగా అప్పటికే బాలిక మృతి చెందినట్టు డాక్టర్లు నిర్ధారించారు.