Jharkhand Workers Captive In Bihar | ఉపాధి కోసం వెళ్లిన జార్ఖండ్‌ కార్మికులు బీహార్‌లో బందీ.. సీఎం జోక్యం

Jharkhand Workers Captive In Bihar | జార్ఖండ్‌కు చెందిన వలస కార్మికులు ఉపాధి కోసం బీహార్‌ వెళ్లారు. అయితే గయ జిల్లాలో వారు బందీ అయ్యారు. ఈ సమాచారం తెలుసుకున్న జార్ఖండ్‌ సీఎం వెంటనే స్పందించారు. తగిన చర్యలు చేపట్టాలని అధికారులను ఆదేశించారు.

రాంచీ: జార్ఖండ్‌కు చెందిన వలస కార్మికులు ఉపాధి కోసం బీహార్‌ వెళ్లారు. అయితే గయ జిల్లాలో వారు బందీ అయ్యారు. ఈ సమాచారం తెలుసుకున్న జార్ఖండ్‌ సీఎం వెంటనే స్పందించారు. తగిన చర్యలు చేపట్టాలని అధికారులను ఆదేశించారు. దీంతో బీహార్‌లో చిక్కుకున్న జార్ఖండ్‌ కూలీలు సురక్షితంగా తమ రాష్ట్రానికి చేరుకున్నారు. (Jharkhand Workers Captive In Bihar) జార్ఖండ్‌లోని గిరిదిహ్ జిల్లా హర్లాదిహ్ పంచాయతీ పరిధిలోని పలు గ్రామాలకు చెందిన 8 మంది కార్మికులు ఉపాధి కోసం బీహార్‌ వెళ్లారు. అయితే గయ జిల్లాకు చేరుకున్న తర్వాత బందీగా ఉన్న పరిస్థితిని వారు ఎదుర్కొన్నారు. అక్కడ చిక్కుకున్న ఆ కూలీలు తమ దుస్థితి గురించి కుటుంబాలకు సమాచారం ఇచ్చారు.

కాగా, ఆ కార్మికులు బీహార్‌లో నిర్బంధం కావడంపై వారి కుటుంబాలు ఆందోళన చెందాయి. ఈ విషయాన్ని సీఎం హేమంత్ సోరెన్ దృష్టికి తీసుకెళ్లారు. దీంతో ఆయన వెంటనే స్పందింది జోక్యం చేసుకున్నారు. సంబంధిత అధికారులకు ఆదేశాలు జారీ చేశారు.

మరోవైపు సీఎం ఆదేశాలతో గిరిదిహ్ జిల్లా యంత్రాంగం వెంటనే రంగంలోకి దిగింది. బీహార్‌ అధికారులను వారు సంప్రదించారు. సంబంధిత అధికార సంస్థలతో సమన్వయం చేసుకున్నారు. బీహార్‌లో బందీ అయిన 8 మంది కార్మికులు సురక్షితంగా తిరిగి వచ్చేలా చర్యలు చేపట్టారు. ఈ నేపథ్యంలో మంగళవారం వారంతా తమ గ్రామాలకు క్షేమంగా చేరుకున్నారు.