Apps | యాప్స్‌ టోకరా.. దేశంలో టాప్‌ యాప్స్‌లో డార్క్‌ ప్యాటర్న్స్‌

వినియోగదారులను మోసపుచ్చి ఆర్థిక ప్రయోజనం పొందుతున్న యాప్స్‌ దేశంలో పెరిగిపోతున్నట్టు అడ్వైర్టెజింగ్‌ స్టాండర్డ్స్‌ కౌన్సిల్‌ ఆఫ్‌ ఇండియా (ఏఎస్‌సీఐ) తాజా నివేదికలో వెల్లడించింది. తాము విశ్లేషించిన 53 యాప్స్‌లో 52 యాప్స్‌ ఇలాంటి ‘డార్క్‌ ప్యాటర్న్స్‌'ను అనుసరిస్తున్నట్టు తెలిపింది.

• నాలుగు రకాలుగా వినియోగదారులకు టోపీ
• విశ్లేషించిన 53 యాప్స్‌లో 52 ఇలాంటివే
• జాబితాలో నెట్‌ఫ్లిక్స్‌, ఓలా, స్విగ్గీ మొదలైనవి

Apps | (స్పెషల్‌ టాస్క్‌ బ్యూరో) హైదరాబాద్‌, ఆగస్టు 2 (నమస్తే తెలంగాణ): వినియోగదారులను మోసపుచ్చి ఆర్థిక ప్రయోజనం పొందుతున్న యాప్స్‌ దేశంలో పెరిగిపోతున్నట్టు అడ్వైర్టెజింగ్‌ స్టాండర్డ్స్‌ కౌన్సిల్‌ ఆఫ్‌ ఇండియా (ఏఎస్‌సీఐ) తాజా నివేదికలో వెల్లడించింది. తాము విశ్లేషించిన 53 యాప్స్‌లో 52 యాప్స్‌ ఇలాంటి ‘డార్క్‌ ప్యాటర్న్స్‌’ను అనుసరిస్తున్నట్టు తెలిపింది. ఈ జాబితాలో నెట్‌ఫ్లిక్స్‌, ఓలా, స్విగ్గీ వంటి యాప్స్‌ ఉన్నట్టు పేర్కొంది.

నాలుగు విధాలుగా ‘డార్క్‌ ప్యాటర్న్‌’ మోసం

1. గోప్యతకు భంగం: 79 శాతం యాప్స్‌లో యూజర్ల ప్రైవసీకి సంబంధించిన భద్రతలో లోపాలు ఉన్నట్టు గుర్తించామని నివేదిక వెల్లడించింది.

2. ఇంటర్ఫేస్‌లో జోక్యం: ఏదైనా ఐటెమ్‌ ఆర్డర్‌ ఇవ్వాలనుకొంటున్నప్పుడు మనం సెలక్ట్‌ చేయకపోయినా.. కొన్ని ఐటెమ్స్‌ను లేదా సేవలను డీఫాల్ట్‌గా యాడ్‌ చేస్తూ అంతిమ ధరను పెంచడం. ఇలాంటి మోసాలు 45% యాప్స్‌లో గుర్తించినట్టు నివేదిక తెలిపింది.

3. డ్రిప్‌ ప్రైసింగ్‌: ప్రారంభంలో ధర తక్కువగా చూయిస్తూ, పేమెంట్‌ ఆప్షన్‌కు వచ్చే సరికి హిడెన్‌ ఛార్జీలు, అదనపు రుసుములను కలిపేయడం. ఇలాంటి మోసాలు 43 శాతం యాప్స్‌లో ఉన్నట్టు నివేదిక వివరించింది.

4. ఫాల్స్‌ అర్జెన్సీ: యూజర్లకు నిర్ణయం తీసుకొనే సమయం ఇవ్వకుండా ఆఫర్‌ అయిపోతుందని డెడ్‌లైన్‌ టైమ్‌ పెడుతూ మోసపుచ్చడం. ఇలాంటి మోసాలు 32 శాతం యాప్స్‌లో జరుగుతున్నట్టు గుర్తించారు.