2,800 కిలోల జంబో కెమెరా

ప్రపంచంలోనే అతిపెద్ద కెమెరా.. ఐదున్నర అడుగుల లెన్స్‌. అంటే ఓ చిన్నపాటి కారు సైజులో ఉంటుంది. ఈ లెన్స్‌ 25 కిలోమీటర్ల దూరంలోని గోల్ఫ్‌ బంతిని కూడా స్పష్టంగా గుర్తించగలదు. ఈ డిజిటల్‌ కెమెరా 3,200 మెగాపిక్సెల్‌ సామర్థ్యం కలిగి ఉన్నది.

• ప్రపంచంలోనే అతి పెద్దది
• 3,200 మెగాపిక్సెల్‌ సామర్థ్యం
• ఆకాశాన్ని జల్లెడపట్టే ఛాయాగ్రాహకం

న్యూఢిల్లీ, అక్టోబర్‌ 16: ప్రపంచంలోనే అతిపెద్ద కెమెరా.. ఐదున్నర అడుగుల లెన్స్‌. అంటే ఓ చిన్నపాటి కారు సైజులో ఉంటుంది. ఈ లెన్స్‌ 25 కిలోమీటర్ల దూరంలోని గోల్ఫ్‌ బంతిని కూడా స్పష్టంగా గుర్తించగలదు. ఈ డిజిటల్‌ కెమెరా 3,200 మెగాపిక్సెల్‌ సామర్థ్యం కలిగి ఉన్నది. రాత్రివేళల్లో ఖగోళ చిత్రాలను కచ్చితత్వంతో చిత్రీకరించడం కోసం దీన్ని తయారు చేస్తున్నారు. దాదాపుగా పూర్తయిన ఈ కెమెరా ఫొటోలను ఖగోళ శాస్త్రవేత్తలు విడుదల చేశారు.

ఈ కెమెరాను వచ్చే ఏడాది చిలీలోని ఓ పర్వతంపై కూర్చొబెడతారు. శాస్త్రవేత్తలు మాట్లాడుతూ ఇప్పటి వరకు కనీవినీ ఎరుగని కెమెరాను అందుబాటులోకి తీసుకొస్తున్నామని చెప్పా రు. ఆకాశంలో రాత్రివేళల్లో జరిగే అద్భుతాలు, రహస్యాలను తెలుసుకోవడానికి ఇది ఎంతగానో ఉపయోగపడుతుందని తెలిపారు. సాధారణంగా మనం దిగే ఫొటోలు ఎంత స్పష్టంగా కనిపిస్తాయో.. ఈ కెమెరా ఫొటోలు కూడా అంతే స్పష్ట ంగా కనిపిస్తాయని పేర్కొన్నారు.

జంబో కెమెరా ప్రత్యేకతలు

కెమెరా ముందుభాగంలో ఉండే అద్దం 27 అడుగులు ఉంటుంది. అంటే టెన్నిస్‌ సింగిల్స్‌ కోర్టు ఎంత సైజులో ఉంటుందో అంత సైజు అన్నమాట.

• 3,200 మెగాపిక్సెల్‌
• 189 సెన్సర్లు
• 5 అడుగుల లెన్స్‌
• 2800 కిలోల బరువు