Cocaine Seized: భార‌త్‌కు త‌ర‌లిస్తున్న 22 కేజీల కొకైన్ అమెరికాలో సీజ్‌

Cocaine Seized: భార‌త్‌కు విమాన మార్గంలో త‌ర‌లిస్తున్న సుమారు 22 కేజీల కొకైన్‌ను అమెరికా పోలీసులు పట్టుకున్నారు. ఆ కొకైన్ విలువ సుమారు 1.5 మిలియ‌న్ల డాల‌ర్లు ఉంటుంద‌ని అంచ‌నా వేస్తున్నారు. మియామీ అంత‌ర్జాతీయ విమానాశ్ర‌యం వ‌ద్ద ఉన్న ఎయిర్ కార్గో వేర్‌హౌజ్‌లో ఆ కొకైన్‌ను సీజ్ చేశారు.

న్యూఢిల్లీ: భార‌త్‌కు విమాన మార్గంలో త‌ర‌లిస్తున్న సుమారు 22 కేజీల కొకైన్‌(Cocaine Seized)ను అమెరికా పోలీసులు పట్టుకున్నారు. ఆ కొకైన్ విలువ సుమారు 1.5 మిలియ‌న్ల డాల‌ర్లు ఉంటుంద‌ని అంచ‌నా వేస్తున్నారు. మియామీ అంత‌ర్జాతీయ విమానాశ్ర‌యం వ‌ద్ద ఉన్న ఎయిర్ కార్గో వేర్‌హౌజ్‌లో ఆ కొకైన్‌ను సీజ్ చేశారు. అమెరికా క‌స్ట‌మ్స్ అండ్ బోర్డ‌ర్ ప్రొటెక్ష‌న్ అధికారులు ఆ డ్ర‌గ్స్‌ను సీజ్ చేశారు. ఓ పార్సిల్‌లో ఉన్న స్పీక‌ర్లు, ఆంప్లిఫ‌య‌ర్స్ కింద ఆ కొకైన్ దాచారు. మ్యూజిక్ ఎక్విప్మెంట్ అన్న మార్కింగ్‌తో పార్సిల్ చేశారు. ఆప‌రేష‌న్ స్ట్ర‌యిక‌ర్ పేరుతో సీబీపీ ఆప‌రేష‌న్ చేప‌ట్టారు. స్పీక‌ర్లు, ఆంప్లిఫ‌య‌ర్ల‌లో 8 ప్యాకెట్లు, నాలుగు బ్రిక్స్ రూపంలో వైట్ పౌడ‌ర్‌ను దాచిపెట్టిన‌ట్లు సీబీపీ అధికారులు తెలిపారు. ఆ పౌడ‌ర్‌ను కొకైన్ హైడ్రోక్లోరైడ్‌గా గుర్తిస్తూ అధికారులు నిర్దార‌ణ చేశారు. 22 కేజీలు ఉన్న ఆ కొకైన్ విలువ సుమారు 1.5 మిలియ‌న్ల డాల‌ర్లుగా ఉంటుంద‌ని క‌స్ట‌మ్స్ అధికారులు చెప్పారు.