న్యూఢిల్లీ: న్యూఇయర్ 2024 (New Year 2024)ను ప్రపంచ వ్యాప్తంగా ఆనందోత్సవాలతో సెలబ్రేట్ చేసుకుంటున్నారు. ఈ నేపథ్యంలో కొత్త ఏడాది తొలి రోజును మొదటగా, చివరిగా స్వాగతం పలికే దేశాలు ఏవో చూద్దాం. పసిఫిక్ సముద్రంలోని కిరిబాటి దీవి ప్రజలు అందరికంటే ముందుగా కొత్త సంవత్సరంలోకి అడుగుపెట్టారు. జీఎంటీ ప్రకారం ఆదివారం ఉదయం పది గంటలకు, భారతీయ కాలమాన ప్రకారం ఆదివారం మధ్యాహ్నం 3.30 గంటలకు క్రిస్మస్ ద్వీపంగా పిలిచే ఈ దీవిలో న్యూఇయర్ సందడి మొదలైంది. కిరిబాటి దీవి తర్వాత న్యూజిలాండ్లో కొత్త ఏడాదికి స్వాగతం పలికారు. భారతీయ కాలమాన ప్రకారం శనివారం సాయంత్రం 4.30 గంటలకు ఆక్లాండ్లో కొత్త సంవత్సరం మొదలయ్యింది. హోరెత్తించే మ్యూజిక్, వెలుగులు విరజిమ్మే ఫైర్వర్క్స్తో అక్కడి ప్రజలు న్యూఇయర్కు గ్రాండ్గా వెల్కమ్ చెప్పారు.
ఇక జనావాసాలు లేని హౌలాండ్, బేకర్ దీవులలో కొత్త ఏడాదికి చివరిగా స్వాగతం పలుకుతారు. భారతీయ కాలమానం ప్రకారం జనవరి 1న సాయంత్రం 5:30 గంటలకు న్యూఇయర్ను ఇక్కడ సెలబ్రేట్ చేసుకుంటారు.
ప్రపంచ కాలమానం (జీఎంటీ), భారతీయ కాలమానం (ఐఎస్టీ) ప్రకారం 2024ను వరుసగా స్వాగతించే దేశాలివే..
న్యూజిలాండ్: డిసెంబర్ 31, జీఎంటీ: ఉదయం 11:00, ఐఎస్టీ: సాయంతం 4.30
ఆస్ట్రేలియా: డిసెంబర్ 31, జీఎంటీ: మధ్యాహ్నం 1:00, ఐఎస్టీ: సాయంత్రం 6.30
జపాన్, దక్షిణ, ఉత్తర కొరియా: డిసెంబర్ 31, జీఎంటీ: మధ్యాహ్నం 3:00, ఐఎస్టీ: రాత్రి 8.30
చైనా, మలేషియా, సింగపూర్, హాంకాంగ్, ఫిలిప్పీన్స్: డిసెంబర్ 31, జీఎంటీ: సాయంత్రం 4:00, ఐఎస్టీ: రాత్రి 9.30
థాయిలాండ్, వియత్నాం, కంబోడియా: డిసెంబర్ 31, జీఎంటీ: సాయంత్రం 5:00, ఐఎస్టీ: రాత్రి 10.30
భారతదేశం: డిసెంబర్ 31, జీఎంటీ: సాయంత్రం 6.30, ఐఎస్టీ: జనవరి 1 ఉదయం 00.00
యుఏఈ, ఒమన్, అజర్బైజాన్: డిసెంబర్ 31, జీఎంటీ: రాత్రి 8:00, ఐఎస్టీ: జనవరి 1 ఉదయం 1.30
గ్రీస్, దక్షిణాఫ్రికా: డిసెంబర్ 31, జీఎంటీ: రాత్రి 10:00, ఐఎస్టీ: జనవరి 1 ఉదయం 3.30
జర్మనీ, ఫ్రాన్స్, ఇటలీ, స్విట్జర్లాండ్: డిసెంబర్ 31, జీఎంటీ: రాత్రి 11:00, ఐఎస్టీ: జనవరి 1 ఉదయం 4.30
బ్రిటన్, ఐర్లాండ్, పోర్చుగల్: జీఎంటీ: జనవరి 1 ఉదయం 00:00, ఐఎస్టీ: ఉదయం 5.30
బ్రెజిల్, అర్జెంటీనా, చిలీ: జీఎంటీ: జనవరి 1 ఉదయం 3, ఐఎస్టీ: ఉదయం 8.30
ప్యూర్టో రికో, బెర్ముడా, వెనిజులా, యూఎస్ వర్జిన్ దీవులు, బ్రిటిష్ వర్జిన్ దీవులు: జీఎంటీ: జనవరి 1 ఉదయం 4, ఐఎస్టీ: ఉదయం 9.30
అమెరికా ఈస్ట్ కోస్ట్ (న్యూయార్క్, వాషింగ్టన్ డీసీ), పెరూ, క్యూబా, బహామాస్: జీఎంటీ: జనవరి 1 ఉదయం 5, ఐఎస్టీ: ఉదయం 10.30
మెక్సికో, అమెరికాలోని కెనడాలోని కొన్ని ప్రాంతాలు: జీఎంటీ: జనవరి 1 ఉదయం 6, ఐఎస్టీ: ఉదయం 11.30 అమెరికా వెస్ట్ కోస్ట్ (లాస్ ఏంజిల్స్, శాన్ ఫ్రాన్సిస్కో): జీఎంటీ: జనవరి 1 ఉదయం 8, ఐఎస్టీ: మధ్యాహ్నం 1.30
హవాయి, ఫ్రెంచ్ పాలినేషియా: జీఎంటీ: జనవరి 1 ఉదయం 10, ఐఎస్టీ: మధ్యాహ్నం 3.30
బేకర్ ద్వీపం, హౌలాండ్ ఐలాండ్: జీఎంటీ: జనవరి 1 మధ్యాహ్నం 12 గం, ఐఎస్టీ: సాయంత్రం 5.30 గంటలు.