Nipah Virus: కేర‌ళ‌లో నిఫా.. బాధిత బాలుడి బంధువుల్లో 17 మందికి నెగ‌టివ్‌, 19 మందికి చికిత్స‌

Nipah Virus: కేర‌ళ‌లో నిఫా వైర‌స్ సోకి 14 ఏళ్ల బాలుడు మృతిచెందిన విష‌యం తెలిసిందే. అయితే అత‌ని కుటుంబంతో ట‌చ్‌లోకి వ‌చ్చిన బంధువుల్లో 17 మందికి ప‌రీక్ష‌లో నెగ‌టివ్ వ‌చ్చింది.

మ‌ల‌ప్పురం: కేర‌ళ‌లో నిఫా వైర‌స్(Nipah Virus) సోకి 14 ఏళ్ల బాలుడు మృతిచెందిన విష‌యం తెలిసిందే. అయితే అత‌ని కుటుంబంతో ట‌చ్‌లోకి వ‌చ్చిన బంధువుల్లో 17 మందికి ప‌రీక్ష‌లో నెగ‌టివ్ వ‌చ్చింది. దీనిపై ఆరోగ్య‌శాఖ మంత్రి వీణా జార్జ్ మీడియాతో మాట్లాడుతూ.. బాధితుడితో ట‌చ్‌లో ఉన్న 17 మందికి చెందిన ఉమ్మి శ్యాంపిళ్ల‌ను టెస్ట్ కోసం పంపామ‌ని, అయితే వాటి ఫ‌లితాల్లో వైర‌స్ లేన‌ట్లు గుర్తించామ‌న్నారు. మ‌ల‌ప్పురంకు చెందిన కుర్రాడు గ‌త ఆదివారం నిఫా సోకి మృతిచెందాడు.

మ‌ల‌ప్పురంలో ఐసోలేష‌న్‌లో ఉన్న‌వారు 21 రోజుల పాటు క్వారెంటైన్‌ను కొన‌సాగించాల‌ని మంత్రి పేర్కొన్నారు. ప్ర‌జా ఆరోగ్య చ‌ట్టాల ప్ర‌కారం ప్రోటోకాల్‌ను ఉల్లంఘించిన వారిపై చ‌ర్య‌లు తీసుకుంటామ‌న్నారు. బాధిత బంధువుల‌కు నిఫా సోక‌కున్నా.. ఆ ప్రాంతంలో మాత్రం నిబంధ‌న‌లు అమ‌లులో ఉంటాయ‌ని మంత్రి తెలిపారు. ఆంక్ష‌ల‌ను ఇప్పుడు ఎత్తివేయ‌లేమ‌న్నారు. ప్ర‌జ‌లు అప్ర‌మ‌త్తంగా ఉండాల‌,ఇ ఎప్పుడూ ప‌బ్లిక్ ప్ర‌దేశాల్లో మాస్క్‌లు ధ‌రించాల‌ని పేర్కొన్నారు.