కళ్లాల్లో ఉన్న ధాన్యాన్ని వెంటనే కొనుగోలు చేయాల‌ని సీఎం దిష్టిబొమ్మ దగ్ధం

కళ్లాల్లో ఉన్న ధాన్యాన్ని వెంటనే కొనుగోలు చేయాలని డిమాండ్ చేస్తూ సీఎం రేవంత్ రెడ్డి దిష్టిబొమ్మ దగ్ధం చేశారు.

భూదాన్ పోచంపల్లి, నవంబర్ 12 : కళ్లాల్లో ఉన్న ధాన్యాన్ని వెంటనే కొనుగోలు చేయాలని డిమాండ్ చేస్తూ గురువారం యాదాద్రి భువ‌న‌గిరి జిల్లా భూదాన్ పోచంపల్లి మండల కేంద్రంలోని ప్రధాన నేతాజీ చౌరస్తా వద్ద బీఆర్ఎస్ మండల పట్టణ కమిటీల ఆధ్వర్యంలో రాస్తారోకో నిర్వహించారు. ముఖ్యమంత్రి రేవంత్ రెడ్డి దిష్టిబొమ్మను దగ్ధం చేశారు. వద్దురా నాయన కాంగ్రెస్ పాలన, కాంగ్రెస్ ప్రభుత్వం మొండి వైఖరి నశించాలని, కొనుగోలు కేంద్రాల్లో ఉన్న ధాన్యాన్ని వెంటనే కొనుగోలు చేయాలని నినాదాలు చేశారు. ఈ సందర్భంగా బీఆర్ఎస్ నాయకుడు, మాజీ ఎంపీపీ మాడుగుల ప్రభాకర్ రెడ్డి మాట్లాడుతూ.. కొనుగోలు కేంద్రానికి ధాన్యాన్ని తీసుకువచ్చి 20 రోజులు గడిచిన నేటికీ కాంటాలు వేయడం లేదని, కేంద్రాల వద్ద రైతులు ప డిగాపులు గాస్తున్నారని ఆవేదన వ్యక్తం చేస్తారు.

రైతులను మోసగిస్తూ ప్రభుత్వం కాలయాపన చేస్తుందద‌న్నారు. రైతులకు రైతు భరోసా ఇవ్వడంలో మోసం చేశారని, రైతు భీమాకు సంబంధించిన ప్రీమియమును డబ్బులు చెల్లించకుండా ఆగం చేసిందని అన్నారు. ధాన్యాన్ని కొనుగోలు చేసి రైతులను ఆదుకోవాలని ప్రభుత్వాన్ని డిమాండ్ చేశారు. ఈ కార్యక్రమంలో బీఆర్ఎస్ మండల అధ్యక్షుడు పాటి సుధాకర్ రెడ్డి, మాజీ వైస్ ఎంపీపీ పాక వెంకటేష్ యాదవ్, పిఎసిఏస్ మాజీ చైర్మన్ కందాల భూపాల్ రెడ్డి, రైతుబంధు మండల కన్వీనర్ రావుల శేఖర్ రెడ్డి, కౌన్సిలర్లు బాతుక లింగస్వామి ,పెద్దల చక్రపాణి, నాయకులు సామ రవీందర్ రెడ్డి, నోముల మాధవరెడ్డి, పగిళ్ల రామ్ రెడ్డి,బత్తుల శ్రీశైలం, ఫకీరు సుధాకర్ రెడ్డి, మునుకుంట్ల బాలచంద్రం, అందెల హరీష్ యాదవ్, కo దా డి సుధాకర్ రెడ్డి, నక్కల రాజిరెడ్డి, పర్వతo అశోక్, మక్బూల్, కాసుల బాలరాజు ,గునిగంటి మల్లేష్, చే రాల చిన్న నరసింహ, దా రెడ్డి మల్లారెడ్డి, సార బాలయ్య, రంగ విశ్వనాథం, కలుకూరి శ్రీకాంత్ , కందాడి రఘుమారెడ్డి,యాకరీ నర్సింగ్ రావు, అయిత రాజు బిక్షపతి ,తంగేళ్ల దశరథ, మట్ట దర్శన్, నోముల ఉపేందర్ రెడ్డి, కర్ణాటి అంజమ్మ, రాజేశ్వరి, పార్టీ శ్రేణులు తదితరులు పాల్గొన్నారు.