ఆర్‌వీ కర్ణన్‌ బాధ్యతల స్వీకరణ

నల్లగొండ జిల్లా కలెక్టర్‌గా ఆర్‌వీ కర్ణన్‌ బుధవారం బాధ్యతలు స్వీకరించారు. కలెక్టర్‌ వినయ్‌ క్రిష్ణారెడ్డి స్థానంలో బదిలీపై వచ్చి విధుల్లో చేరారు.

July 27, 2023 / 05:56 AM IST

నల్లగొండ కలెక్టర్‌గా విధుల్లో చేరిక
శుభాకాంక్షలు తెలిపిన పలు శాఖల అధికారులు

నల్లగొండ ప్రతినిధి,జూలై26(నమస్తే తెలంగాణ): నల్లగొండ జిల్లా కలెక్టర్‌గా ఆర్‌వీ కర్ణన్‌ బుధవారం బాధ్యతలు స్వీకరించారు. కలెక్టర్‌ వినయ్‌ క్రిష్ణారెడ్డి స్థానంలో బదిలీపై వచ్చి విధుల్లో చేరారు. ఈ సందర్భంగా కలెక్టర్‌ చాంబర్‌లో వివిధ శాఖల ఉన్నతాధికారులు మర్యాదపూర్వకంగా కలిసి ఆయనకు శుభాకాంక్షలు తెలిపారు.

జిల్లా కలెక్టర్‌గా టి.వినయ్‌ క్రిష్ణారెడ్డి స్థానంలో బదిలీపై వచ్చిన ఆర్‌.వీ.కర్ణన్‌ కలెక్టరేట్‌లోని తన ఛాంబర్‌లో బుధవారం బాధ్యతలు స్వీకరించారు. కరీంనగర్‌ కలెక్టర్‌గా పనిచేస్తున్న కర్ణన్‌ను సాధారణ ఎన్నికల బదిలీల్లో భాగంగా మంగళవారం నల్లగొండకు బదిలీ చేస్తూ ప్రభుత్వం ఉత్తర్వులు జారీ చేసింది. అనంతరం కలెక్టరేట్‌లో ఈవీఎంల ప్రదర్శన కేంద్రాన్ని ఆయన పరిశీలించి పలు సూచనలు చేశారు. కలెక్టర్‌గా బాధ్యతలు చేపట్టిన ఆర్‌.వీ.కర్ణన్‌ను జడ్పీ సీఈఓ ప్రేమ్‌కరణ్‌రెడ్డి, డీఆర్డీఓ కాళిందిని, డీపీఓ విష్ణువర్ధన్‌రెడ్డి, డీఎస్‌ఓ వెంకటేశ్వర్లు, డీపీఆర్వో పి.శ్రీనివాస్‌, ఎస్సీ కార్పొరేషన్‌ ఈడీ ఎల్‌.శ్రీనివాస్‌, గనులు, భూగర్భశాఖ ఏడీ వెంకటేశ్వర్‌రావు, సర్వేలాండ్‌ రికార్డ్స్‌ ఏడీ శ్రీనివాసులు, కలెక్టరేట్‌ ఏఓ మోతీలాల్‌, ఇతర సిబ్బంది మర్యాదపూర్వకంగా కలిశారు. పుష్పగుచ్ఛం అందజేసి శుభాకాంక్షలు తెలిపారు.

బయోడేటా
పేరు : ఆర్‌.వీ.కర్ణన్‌.
జననం : 1985.
తల్లిదండ్రులు : వి.విజయలక్ష్మి, ఆర్‌.వీరరాఘవన్‌
స్వస్థలం : శ్రీరాంనగర్‌, కరైకుడి, శివగంగా జిల్లా.
తమిళనాడు.
సతీమణి : సీహెచ్‌. ప్రియాంక, సూర్యాపేట అదనపు కలెక్టర్‌