కౌంటింగ్‌ విధులు ఏకాగ్రతతో నిర్వర్తించాలి

కౌంటింగ్‌ పనులను పూర్తి ఏకాగ్రతతో పకడ్బందీగా నిర్వర్తించాలని జిల్లా ఎన్నికల అధికారి, కలెక్టర్‌ హనుమంతు కె. జెండగే కౌంటింగ్‌ సిబ్బందికి సూచించారు. భువనగిరి పార్లమెంట్‌ నియోజకవర్గానికి సంబంధించి ఈ నెల 4న భువనగిరిలోని అరోరా ఇంజినీరింగ్‌ కళాశాలలో చేపట్టే కౌంటింగ్‌ సిబ్బందికి శనివారం కలెక్టరేట్‌లోని సమావేశ మందిరంలో రెండో విడుత శిక్షణ ఇచ్చారు.

• కలెక్టర్‌ హనుమంతు జెండగే

యాదాద్రి భువనగిరి, జూన్‌ 1 (నమస్తే తెలంగాణ) : కౌంటింగ్‌ పనులను పూర్తి ఏకాగ్రతతో పకడ్బందీగా నిర్వర్తించాలని జిల్లా ఎన్నికల అధికారి, కలెక్టర్‌ హనుమంతు కె. జెండగే కౌంటింగ్‌ సిబ్బందికి సూచించారు. భువనగిరి పార్లమెంట్‌ నియోజకవర్గానికి సంబంధించి ఈ నెల 4న భువనగిరిలోని అరోరా ఇంజినీరింగ్‌ కళాశాలలో చేపట్టే కౌంటింగ్‌ సిబ్బందికి శనివారం కలెక్టరేట్‌లోని సమావేశ మందిరంలో రెండో విడుత శిక్షణ ఇచ్చారు. పోస్టల్‌ బ్యాలెట్‌, ఈవీఎం, ఈటీపీబీఎస్‌(ఎలక్ట్రానికల్లీ ట్రాన్స్‌మిటెడ్‌ పోస్టల్‌ బ్యాలెట్‌ సిస్టం) పై కౌంటింగ్‌ సూపర్‌వైజర్లు,

అసిస్టెంట్‌ కౌంటింగ్‌ సూపర్‌వైజర్లు, మైక్రో అబ్జర్వర్లకు పవర్‌ పాయింట్‌ ప్రజెంటేషన్‌ ద్వారా వివరించారు. రెండో విడు శిక్షణ కార్యక్రమాన్ని నిర్వహించారు. ఈ సందర్భంగా జెండగే మాట్లాడుతూ కౌంటింగ్‌లో భాగంగా ఏజెంట్ల సమక్షంలో ఫలితాల వివరాలను పకడ్బందీగా నమోదు చేయాలని సూచించారు. సమావేశంలో అడిషనల్‌ కలెక్టర్‌ (స్థానిక సంస్థలు) గంగాధర్‌, జనగాం అడిషనల్‌ కలెక్టర్‌ పింకేశ్‌ కుమార్‌, ఇబ్రహీంపట్నం ఏఆర్వో అనంతరెడ్డి, జడ్పీ సీఈఓ శోభారాణి, డీఈఓ నారాయణరెడ్డి, కలెక్టరేట్‌ ఏఓ జగన్మోహనప్రసాద్‌, లీడ్‌ బ్యాంక్‌ మేనేజర్‌ రామకృష్ణ, ట్రైనర్లు నర్సిరెడ్డి, హరినాథరెడ్డి తదితరులు పాల్గొన్నారు.