Rakesh Reddy | నిరుద్యోగ, విద్యారంగ సమస్యలపై పోరాడిన చరిత్ర రాకేష్ రెడ్డిది.. ప్రచారంలో బీఆర్‌ఎస్‌ నేతలు

Rakesh Reddy | ఆదివారం కోదాడ మున్సిపాలిటీ పరిధిలోని కోమరబండలో ఎమ్మెల్సీ ఓట్ల నమోదుపై అవగాహన కల్పిస్తూ పట్టభద్రుల బీఆర్ఎస్ ఎమ్మెల్సీ అభ్యర్థి రాకేష్ రెడ్డి గెలిపించాలని పట్టభద్రులను కలిసి విస్తృత ప్రచారం నిర్వహించారు.

Rakesh Reddy | కోదాడ : జాబ్ క్యాలెండర్‌ను అమలు చేసి నిరుద్యోగ యువతకు ఉద్యోగ అవకాశాలు కల్పిస్తామని చెప్పిన కాంగ్రెస్ ప్రభుత్వం ఇప్పుడు మొండిచేయి చూపిందని బీఆర్ఎస్ పట్టణ అధ్యక్షుడు నయీమ్, వ్యవసాయ మార్కెట్ కమిటీ మాజీ అధ్యక్షుడు పైడిమర్రి సత్యబాబు విమర్శించారు.

ఆదివారం  కోదాడ  మున్సిపాలిటీ పరిధిలోని కోమరబండలో ఎమ్మెల్సీ ఓట్ల నమోదుపై అవగాహన కల్పిస్తూ పట్టభద్రుల బీఆర్ఎస్ ఎమ్మెల్సీ అభ్యర్థి రాకేష్ రెడ్డి గెలిపించాలని పట్టభద్రులను కలిసి విస్తృత ప్రచారం నిర్వహించారు. ఈ సందర్భంగా వారు మాట్లాడుతూ.. ఉద్యోగ ఉపాధి అవకాశాలు కల్పించడంలో ప్రభుత్వం విఫలమైందన్నారు. బీఆర్ఎస్ హయాంలో ఎంపిక చేసిన ఉద్యోగులకు కాంగ్రెస్ ప్రభుత్వం నియామక పత్రాలు అందజేసిన విషయాన్ని వారు గుర్తు చేశారు. నిరుద్యోగ, విద్యారంగ సమస్యలపై పోరాడిన చరిత్ర రాకేష్ రెడ్డికి ఉందన్నారు.

శాసనమండలిలో తన వాణిని వినిపించి విద్యార్థి యువత సమస్యలు పరిష్కరించే సత్తా ఆయనకు ఉందన్నారు. వాస్తవాలను గమనంలోకి తీసుకొని పార్టీలకతీతంగా యువత, విద్యావంతుడు రాకేష్ రెడ్డికి ఓట్లు వేసి గెలిపించాలన్నారు. ఈ ప్రచార కార్యక్రమంలో వార్డ్ కౌన్సిలర్ చీమ నరేష్ ఉపేందర్ గౌడ్, కరీముల్లా, అలవాల వెంకట్ ,బత్తుల ఉపేందర్ ,సాధిక్ , చలిగంటి వెంకట్, అబ్బు శ్రీకాంత్, రాజు నాగుల్, రాజేష్, రమేష్ సైదులు, నరసయ్య, సిద్దు, వీరబాబు, శంబయ్య, శ్రీను, సుధాకర్, వెంకన్న పట్టణ నాయకులు పాల్గొన్నారు.

Read Also :

Ramayana | రాముడు, సీత ప్రేమకు సంగీత రూపం.. ‘రామాయణ’ నుంచి ‘రంగులు రంగులే’ పాట విడుదల!

Atrial Fibrillation | ఏట్రియ‌ల్ ఫిబ్రిలేష‌న్ అంటే ఏమిటి.. ల‌క్ష‌ణాలు ఎలా ఉంటాయి.. ఎలాంటి జాగ్ర‌త్త‌లు తీసుకోవాలి..

Tamil Nadu | తమిళనాడులో భారీ వర్షాలు.. పలు పర్యాటక ప్రాంతాలు మూసివేత