Visit:
– ఈ నెల 31 లోగా దరఖాస్తులకు అవకాశం
రామగిరి, ఆగస్టు 27 : ప్రభుత్వ మహిళా డిగ్రీ కళాశాల (స్వయం ప్రతిపత్తి) నల్లగొండలో ఈ నెల 22న వెల్లడించిన పత్రికా ప్రకటనకు అదనపు కొనసాగింపుగా 2026-27 విద్యా సంవత్సరానికి రెండు AEDP విభాగాలలో ఖాళీగా ఉన్న అతిధి అధ్యాపక పోస్టులకు దరఖాస్తులు ఆహ్వానిస్తున్నట్లు కళాశాల ప్రిన్సిపాల్ ప్రొఫెసర్ కె. శ్రీనివాసరాజు తెలిపారు. హెల్త్ కేర్ మేనేజ్మెంట్ (UG) కు నిర్దేశించిన M.Sc. Zoology విద్యా ర్హతను సవరించి, ఇకపై M.sc. Health Care Management/M.Sc. Microbiology/M.Sc. Zoology లలో, అలాగే ఫార్మాస్యూటికల్ మేనేజ్మెంట్ అండ్ క్వాలిటీ (PME) కోర్సు (UG) కు సంబంధించి M. Pharmacy/M.Sc. Chemistry లలో, ఏదైనా గుర్తింపు పొందిన విశ్వవిద్యాలయం నుండి సంబంధిత సబ్జెక్టులలో సాధారణ అభ్యర్థులు కనీసం 55% మార్కులు, SC/ST అభ్యర్థులు 50% మార్కులు కలిగి ఉండాలి.
NET/SET/Ph.D అర్హతతో పాటు బోధనానుభవానికి అదనపు వెయిటేజీ ఇవ్వబడుతుంది. ఇప్పటికే దరఖాస్తు చేసుకున్న అభ్యర్థులు మళ్లీ దరఖాస్తు చేసుకోవలసిన అవసరం లేదని తెలిపారు.. వారి దరఖాస్తులను సవరించిన విద్యార్హతల ప్రకారం పరిగణనలోకి తీసుకోబడుతుంది. సవరించిన విద్యార్హతల ప్రకారం కొత్తగా దరఖాస్తులు 31.08. 2026 సాయంత్రం 5:00 గంటల వరకు, కళాశాల ప్రిన్సిపాల్ కార్యాలయంలో స్వీకరించబడతాయని తెలిపారు. పూర్తి వివరాలకు కళాశాలలో సంపాదించాలని సూచించారు.
