నూతన భవనంలోకి.. కొమురవెల్లి పీస్‌

సిద్దిపేట జిల్లా కొమురవెల్లిలో నూతనంగా నిర్మించిన పోలీస్‌ స్టేషన్‌లో బుధవారం ఎస్సై లింగంపల్లి రాజుగౌడ్‌ సేవలు ప్రారంభించారు. కొమురవెల్లి మండలం ఏర్పాటైన తర్వాత పోలీస్‌స్టేషన్‌ను మల్లన్న ఆల య గెస్ట్‌హౌస్‌లో ఏర్పాటు చేశారు.

కొమురవెల్లి, జూలై 17: సిద్దిపేట జిల్లా కొమురవెల్లిలో నూతనంగా నిర్మించిన పోలీస్‌ స్టేషన్‌లో బుధవారం ఎస్సై లింగంపల్లి రాజుగౌడ్‌ సేవలు ప్రారంభించారు. కొమురవెల్లి మండలం ఏర్పాటైన తర్వాత పోలీస్‌స్టేషన్‌ను మల్లన్న ఆల య గెస్ట్‌హౌస్‌లో ఏర్పాటు చేశారు. శాంతి భద్రతలకు ప్రాధాన్యత ఇస్తూ నాటి కేసీఆర్‌ ప్రభుత్వం పోలీసు స్టేషన్‌కు స్థలం కేటాయించడంతో పాటు రూ.కోటి నిధులు ఖర్చుచేసి మోడల్‌ పోలీస్‌ స్టేషన్‌ను నిర్మించింది.

పోలీస్‌స్టేషన్‌ నిర్మాణ పనులు పూర్తయి ప్రారంభించే సమయంలో నాడు కొమురవెల్లిలో విధులు నిర్వహిస్తున్న ఎస్సై చంద్రమోహన్‌యాదవ్‌ బదిలీ కావడంతో పాటు ఎన్నికల కోడ్‌ రావడంతో పోలీస్‌స్టేషన్‌లో సేవలు ప్రారంభించలేదు. తర్వాత నూతన ప్రభుత్వం ఏర్పాటైన తర్వాత మరోసారి పార్లమెంట్‌ ఎన్నికల నేపథ్యంలో పోలీస్‌స్టేషన్‌ సేవలు ప్రారంభించలేదు. ఇటీవల ‘నమస్తే తెలంగాణ’లో రూ.కోటి వెచ్చించి నిర్మాణం మరిచారు. అనే శీర్షిక వార్త ప్రచురితం కావడంతో ఇటీవల నూతన ఎస్సైగా బాధ్యతలు స్వీకరించిన లింగంపల్లి రాజుగౌడ్‌ బుధవారం మల్లన్న గెస్ట్‌హౌస్‌లో ఉన్న పోలీస్‌ స్టేషన్‌ సామగ్రిని నూతన పోలీస్‌ స్టేషన్‌కు మార్చి పోలీస్‌ సేవలు ప్రజలకు అందుబాటులో తీసుకువచ్చారు.