చింతచిగురు ఆరోగ్యానికి మేలు
ప్రకృతి మనిషికి అందించిన వరప్రదాయినీ చింతచెట్టు... చింతచెట్టుకు కాసే చింతకాయతోపాటు చిగురుకు ఉన్న ప్రాధాన్యత అంతా ఇంతాకాదు. సి విటమిన్ సమృద్ధిగా లభిస్తుంది. చింతచిగురుతో వంట చేసుకునేందుకు అనేక మంది ఆసక్తి చూపుతున్నారు
సీ విటమిన్ లభ్యం
రోగనిరోధక శక్తికి దోహదం
రుచితోపాటు ఆరోగ్య ప్రయోజనాలు ఎక్కువ
మే నెలలో చింతచెట్టుకు పూత
హుస్నాబాద్ టౌన్, మే 22 : ప్రకృతి మనిషికి అందించిన వరప్రదాయినీ చింతచెట్టు… చింతచెట్టుకు కాసే చింతకాయతోపాటు చిగురుకు ఉన్న ప్రాధాన్యత అంతా ఇంతాకాదు. సి విటమిన్ సమృద్ధిగా లభిస్తుంది. చింతచిగురుతో వంట చేసుకునేందుకు అనేక మంది ఆసక్తి చూపుతున్నారు. మే మాసంనుంచి లభించే చింతచిగురును ఇష్టంతో తినేందుకు పోటీపడుతున్నారు. రహదారుల పక్కన ఉండే ఈ చింతచెట్ల వద్ద ఇటీవల నిత్యం జన సందండి కనిపిస్తున్నది.
రోగనిరోధక శక్తిని పెంచుతుందనే నమ్మకం
చూస్తే చిన్నదైనా.. అది చేసే మేలు మాత్రం పెద్దదని ప్రకృతి వైద్యనిపుణలు చెబుతున్నారు. శరీరంలో రోగనిరోధక శక్తిని పెంచేందుకు కృషిచేస్తుంది. దీంతో చింతచిగురును తినేవారి సంఖ్య రోజురోజుకూ పెరుగుతున్నది. చింతచిగురు ప్రేమికులు చింతచెట్ల వద్ద చిగురును కోసే పనిలో పడుతున్నారు. రుచితో పాటు ఆరోగ్య ప్రయోజనాలు ఎక్కువగా ఉంటాయి. జీర్ణవ్యవస్థను మెరుగుపరుచడంతోపాటు చెడుకొవ్వును తగ్గిస్తుంది. రక్తాన్ని శుద్ధిచేయడం, కీళ్లనొప్పులను సైతం తగ్గించి ఎముకలను బలంగా మారుస్తుంది. శరీరంలో నులి పురుగులను సైతం తొలిగిస్తున్నదని ప్రకృతి వైద్యనిపుణులు వివరిస్తున్నారు.
పప్పు.. చేపలు.. చికెన్, మటన్లో సైతం..
చింతచిగురును పలు రకాల వంటకాల్లో ఉపయోగిస్తారు. ప్రత్యేకంగా వంటకంగా తయారు చేసుకోవడంతోపాటు చట్నీ పెట్టుకోవచ్చు. వివిధ రకాల పప్పులతో పాటు చేపలు, చికెన్, మటన్లో సైతం చింతచిగురు వేస్తారు. ముఖ్యంగా ఉల్లిగడ్డతో కలిపి చింతచిగురును వంటచేసుకుంటే ఆ కమ్మదనం మరిచిపోలేమని చిగురుప్రియులు లొట్టలు వేసుకుని మరీచెబుతున్నారు. సీ విటమిన్ టాబ్లెట్ను తీసుకునే బదులుగా చింత చిగురును తరుచుగా వంటల్లో చేర్చి తీసుకుంటే ఎలాంటి రోగాలు దరిచేరవని పలువురు నమ్మకం. ప్రకృతి అందిస్తున్న చింత చిగురు ఆయా ప్రాంతాల్లో మంచి ధరసైతం పలుకుతుండడం విశేషం.
రెండు, మూడు రోజులకోసారి వంట చేసుకుంటున్నం
మా ఇంట్లో రెండుమూడు రోజులకోసారి చింతచిగురుతో వంట చేసుకుంటున్నాం. ఇప్పుడే ఎక్కువ ఇగురు వస్తున్నది. తప్పనిసరిగా మా ఇంట్ల అందరం తింటాం. చేపల కూరలో ప్రత్యేకంగా చింత చిగురుతోని వండుకుని తింటాం. మంచి రుచి ఉంటది. మోకాళ్ల నొప్పులు కూడా రావని, దీన్ని ఎక్కువ తింటున్నాం. – పూదరి శ్రీనివాస్, హుస్నాబాద్
ఉల్లిగడ్డలతో వంట చేసుకుంటే కమ్మగ ఉంటది
ఉల్లిగడ్డలతోని చింతచిగురు వంట చేసుకుంటే కమ్మగ ఉం టంది. చిన్నప్పుటి నుంచి చింతచిగురు తింటున్న. నోరుకు సైతం సై ఉంటదని చిగురును తెంపుకుంటున్న. ఎవ్వలైనా చింతచిగురుతోని కూరలు వండుకొని తింటే శరీరం మంచిగ ఉంటది.
– గొల్లపల్లి వెంకటాద్రి, గుడాటిపల్లి
Read Today's Latest Medak News in Telugu and Telugu News
RELATED ARTICLES
తాజా వార్తలు
Jagtial | మల్లాపూర్లో విషాదం.. నీటి తొట్టిలో పడి ఆరేళ్ల బాలుడు మృతి
Sai Pallavi | ధనుష్ సినిమాలు వదిలేయోద్దు.. స్టేజ్పైనే ఎమోషనల్ రిక్వెస్ట్ చేసిన సాయి పల్లవి
Cyclone Akvan | మరింత బలపడ్డ తీవ్ర వాయుగుండం.. ఇవాళ సాయంత్రం తుపానుగా మారే అవకాశం!
NTR | అనిల్ రావిపూడితో ఎన్టీఆర్ చిత్రం.. టైటిల్ ఏంటో తెలుసా?
Varanasi | వారణాసి నుంచి అదిరిపోయే అప్డేట్.. షూటింగ్ పూర్తి, త్వరలోనే రాజమౌళి భారీ సర్ప్రైజ్!
ట్రెండింగ్ వార్తలు
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి
Watch: బైకులతో సింహాన్ని అడ్డుకున్న అటవీ శాఖ సిబ్బంది.. తర్వాత ఏం జరిగిందంటే?
Snowfall | ద్రాస్ సెక్టార్లో మంచు అందాల కనువిందు.. Video
Newborn dies due to DJ Sound | డీజే శబ్దానికి గుండె ఆగి.. నవజాత శిశువు మృతి
Watch: ప్రెస్మీట్లో ఒక వ్యక్తిని ముద్దుపెట్టుకున్న బీజేపీ ఎమ్మెల్యే.. ఏఐ వీడియో అని ఆయన భార్య ఆరోపణ

