గ్రామాల్లో ఉపాధి హామీ పనులు కల్పించాలి
గ్రామీణ ఉపాధి హామీ పథకంలో భాగంగా ప్రతి గ్రామంలో ఉన్న యాక్టివ్ వేజ్ సీకర్స్లో కనీసం 50శాతం మందికి ఉపాధి పనులు కల్పించాలని సంగారెడ్డి కలెక్టర్ శరత్ పంచాయతీ కార్యదర్శులను ఆదేశించారు.
- యాక్టివ్ వేజ్ సీకర్స్లో కనీసం 50 శాతం మందికి పని చూపించాలి
- నర్సరీలను సక్రమంగా నిర్వహించాలి
- పంచాయతీశాఖ అధికారులతో సంగారెడ్డి కలెక్టర్ శరత్
సంగారెడ్డి కలెక్టరేట్, ఫిబ్రవరి 28: గ్రామీణ ఉపాధి హామీ పథకంలో భాగంగా ప్రతి గ్రామంలో ఉన్న యాక్టివ్ వేజ్ సీకర్స్లో కనీసం 50శాతం మందికి ఉపాధి పనులు కల్పించాలని సంగారెడ్డి కలెక్టర్ శరత్ పంచాయతీ కార్యదర్శులను ఆదేశించారు. మంగళవారం కలెక్టరేట్ ఆడిటోరియంలో జిల్లా గ్రామీణాభివృద్ధి, పంచాయతీ శాఖల అధికారులతో వివిధ నియోజకవర్గాలకు సంబంధించి గ్రామీణ ఉపాధి హామీ పథకంలో లేబర్ మొబిలైజేషన్, పనుల గుర్తింపు, షెల్ఫ్ ఆఫ్ వర్క్స్, గ్రామ పంచాయతీ ట్యాంకర్ల వినియోగం, నర్సరీలు, మొక్కల నిర్వహణ తదితర అంశాలపై కలెక్టర్ సమీక్షించారు.
ఈ సందర్భంగా కలెక్టర్ మాట్లాడుతూ ఫీల్డ్ అసిస్టెంట్లు, పంచాయతీ కార్యదర్శులు సమన్వయంతో పని చేయాలని సూచించారు. ప్రస్తుతం పనుల సీజన్ అయినందున ముందుగా పనులు గుర్తించి, అంచనాలకు సంబంధించిన ప్రతిపాదనలు పంపించాలని, వెంటనే మంజూరు చేయడం జరుగుతుందన్నారు. శ్రమ శక్తి సంఘాలకు పనులు ఇవ్వడం, చేసిన పనులకు మెజర్మెంట్ చేయాలన్నారు. అదేవిధంగా పే ఆర్డర్ జనరేట్ చేసి పే స్లిప్స్ ఇవ్వాలన్నారు. పనులు పూర్తయిన చోట వర్క్ సైన్ బోర్డ్స్ ఏర్పాటు చేయాలని కలెక్టర్ స్పష్టం చేశారు. ఏ పనులు కావాలో వాటిని గుర్తించాలని సూచించారు. ఎప్పుడూ 20 పనులు షెల్ఫ్లో ఉండాలన్నారు. కూలీలకు వేజ్ రేట్ పెరిగేలా పనులు జరగాలని పేర్కొన్నారు. ఎంపీడీవోలు, ఎంపీవోలు ఎప్పటికప్పుడు ఫీల్డ్ అసిస్టెంట్లు, పంచాయతీ కార్యదర్శులతో సమావేశాలు నిర్వహించాలని, ఆయా అంశాలపై సమీక్షించాలని సూచించారు. లేబర్ మొబిలైజేషన్ బాగా చేసిన అధికారులను కలెక్టర్ ఈ సందర్భంగా అభినందించారు.
లక్ష్యాన్ని సాధించకుంటే చర్యలు తప్పవు
పంచాయతీ అధికారులు లక్ష్యాన్ని సాధించని పక్షంలో చర్యలు తప్పవని కలెక్టర్ హెచ్చరించారు. ప్రతి గ్రామ పంచాయతీలోని నర్సరీలు సక్రమంగా నిర్వహించాలని సూచించారు. హరితహారంలో నాటిన మొక్కల సంరక్షణ సజావుగా ఉండాలన్నారు. మొక్కలను సంరక్షిస్తే మొక్క చెట్టుగా మారి మనలను రక్షిస్తుందని కలెక్టర్ హితవు పలికారు. గ్రామ పంచాయతీల్లోని ట్యాంకర్ల ద్వారా ప్రతి వారం అన్ని గ్రామ పంచాయతీల్లో మొక్కలకు వాటరింగ్ చేయాలని స్పష్టం చేశారు. కనీసం ప్రతి వారం 10 నుంచి 15 ట్యాంకర్లను మొక్కలకు వాటరింగ్ కోసం వినియోగించాలన్నారు. 100 శాతం పన్ను వసూలు కావాలని పంచాయతీ కార్యదర్శులకు సూచించారు. సమావేశంలో జడ్పీ సీఈవో ఎల్లయ్య, డీఆర్డీవో శ్రీనివాసరావు, డీపీవో సురేశ్ మోహన్, డీఎల్పీవోలు, ఎంపీడీవోలు, ఏపీవోలు, పంచాయతీ కార్యదర్శులు తదితరులు పాల్గొన్నారు.
Read Today's Latest Medak News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

