చంద్రశిలాశిఖరంపై కేసీఆర్‌ బర్త్‌డే

తెలంగాణ తొలి సీఎం, ఉద్యమనేతపై సంగారెడ్డి జిల్లా అందోల్‌ మండలంలోని అక్సాన్‌పల్లి, తాడ్మనూర్‌ గ్రామాల యువకులు తమ అభిమానాన్ని వినూత్నంగా చాటుకున్నారు.

అందోల్‌, ఫిబ్రవరి 17: తెలంగాణ తొలి సీఎం, ఉద్యమనేతపై సంగారెడ్డి జిల్లా అందోల్‌ మండలంలోని అక్సాన్‌పల్లి, తాడ్మనూర్‌ గ్రామాల యువకులు తమ అభిమానాన్ని వినూత్నంగా చాటుకున్నారు. మంగళవారం కేసీఆర్‌ పుట్టిన రోజు సందర్భంగా బీఆర్‌ఎస్‌ యువనాయకులు భూపాల్‌గౌడ్‌, లక్ష్మణ్‌, రఘు, రణధీర్‌రెడ్డి, హరీశ్‌, నరేశ్‌ ఉత్తరాఖండ్‌లోని చంద్రశిలాశిఖరంపై వేడుకలు నిర్వహించారు. నాలుగువేల మీటర్ల ఎత్తులో ఎముకలు కొరికే చలి…మంచులో పుట్టినరోజు నిర్వహించి ఉద్యమ నాయకుడికి శుభాకాంక్షలు తెలిపారు. అక్కడి ఆలయాల్లో కేసీఆర్‌ నిండు నూ రేండ్లు ఆయురారోగ్యాలతో ఉండాలని పూజలు చేశారు.