Beeram Harshavardhan Reddy | మున్సిపాలిటీల అభివృద్ధి బీఆర్ఎస్‌తోనే సాధ్యం : మాజీ ఎమ్మెల్యే బీరం హర్షవర్ధన్ రెడ్డి

Beeram Harshavardhan Reddy | కొల్లాపూర్ మున్సిపాలిటీని ఆదర్శంగా తీర్చిదిద్దడమే లక్ష్యంగా బీఆర్ఎస్ పార్టీ పని చేస్తుందని మాజీ ఎమ్మెల్యే బీరం హర్షవర్ధన్ రెడ్డి అన్నారు.

కొల్లాపూర్: కొల్లాపూర్ మున్సిపాలిటీని ( Kollapur Muncipality ) ఆదర్శంగా తీర్చిదిద్దడమే లక్ష్యంగా బీఆర్ఎస్ పార్టీ పని చేస్తుందని మాజీ ఎమ్మెల్యే బీరం హర్షవర్ధన్ రెడ్డి ( Beeram Harsavardan Reddy ) అన్నారు. పట్టణంలోని తన నివాసంలో మున్సిపల్ బీఆర్ఎస్ కౌన్సిలర్ అభ్యర్థులకు ఆయన అధికారికంగా బీ-ఫామ్స్ అందజేశారు.​

ఈ సందర్భంగా ఆయన మీడియాతో మాట్లాడుతూ బీఆర్ఎస్ ప్రభుత్వంలో కొల్లాపూర్ నియోజకవర్గంతో పాటు మున్సిపాలిటీలో జరిగిన అభివృద్ధి పనులను చూసి ప్రజలు బీఆర్ఎస్ అభ్యర్థులను ఆశీర్వదించాలని కోరారు. కేసీఆర్‌ నాయకత్వంలో ఇంటింటికీ అందిన పథకాలు, పట్టణంలో మౌలిక సదుపాయాల కల్పనే మన అభ్యర్థుల గెలుపుకు నాంది పలుకుతాయని ధీమా వ్యక్తం చేశారు.

పార్టీ శ్రేణులు, కార్యకర్తలు సమన్వయంతో పనిచేసి గులాబీ జెండాను మున్సిపాలిటీపై ఎగురవేయాలని పిలుపునిచ్చారు. ప్రజల్లో ఉంటూ వారి సమస్యల పరిష్కారానికి ఎల్లప్పుడూ అందుబాటులో ఉండాలని అభ్యర్థులకు దిశానిర్దేశం చేశారు.