Ganja Seized | పోలీసుల తనిఖీల్లో గంజాయి స్వాధీనం.. ఇద్దరి అరెస్ట్

Ganja Seized | జిల్లాలోని ఐజ మండలం భూంపురం గ్రామ శివారులో పోలీసులు తనిఖీ చేస్తుండగా ఇద్దరు వ్యక్తులు రవాణా చేస్తున్న గంజాయిని పట్టుకున్నారు .

గద్వాల : జిల్లాలోని ఐజ ( Aija ) మండలం భూంపురం గ్రామ శివారులో పోలీసులు తనిఖీ చేస్తు గంజాయిని పట్టుకున్నారు ( Ganja Seized) . మండలంలోని చిన్నోనిపల్లి కాల్వ కల్వర్టు దగ్గర ఐజ ఎస్సై , పోలీసు సిబ్బంది తనిఖీలు నిర్వహించారు.  ద్విచక్రవాహనంపై గంజాయిని విక్రయించేందుకు తీసుకెళ్తుండగా అనిల్‌, విష్ణు అనే ఇద్దరిని తనిఖీ చేయగా వారి వద్ద 77 గ్రాముల గంజాయి దొరికిందని ఎస్సై గురుస్వామి తెలిపారు. అనిల్‌ తన పొలంలో గంజాయిని సాగు చేశాడని వివరించారు. ఇద్దరిపై కేసు నమోదు చేసి రిమాండ్ కు తరలించినట్లు ఎస్సై తెలిపారు .