Visit:
ప్రముఖ కవి, కేంద్ర సాహిత్య అకాడమీ అనువాద పురస్కార గ్రహీత వారాల ఆనంద్‌ రచించిన ‘త్రివేణి’ (మూడు పంక్తుల కవిత్వం) కవితా సంపుటి ఆవిష్కరణ సోమవారం సెప్టెంబర్‌ 1న కరీంనగర్‌లోని కార్ఖానగడ్డ ప్రభుత్వ ఉన్నత పాఠశాలలో జరుగనున్నది. వారాల ఆనంద్‌ వెలువరిస్తున్న 25వ పుస్తకం ఇది.
‘త్రివేణి’ కవితా సంపుటిని పాఠశాల స్థాయిలో రచయిత వారాల ఆనంద్‌కు హిందీ నేర్పిన ఉపాధ్యాయుడు ఉడుత రాజేశం ఆవిష్కరిస్తారు. కార్ఖానగడ్డ ప్రభుత్వ ఉన్నత పాఠశాల ఉపాధ్యాయుడు, సాహితీ గౌతమి అధ్యక్షుడు నంది శ్రీనివాస్‌ అధ్యక్షతన జరిగే ఈ కార్యక్రమంలో పలువురు ఆత్మీయులు, కవులు హాజరవుతారు. సాహిత్యాభిమానులందరికీ ఆహ్వానం.
– వి.ఇందిరారాణి, పోయెట్రీ ఫోరం, కరీంనగర్‌
