అదే వాన
ఎప్పుడూ కురిసేదే
కాకపోతే…
నువ్వు గుర్తొచ్చిన ప్రతిసారి
కొత్తగా తోస్తుందంతే…
ఆ పూల చెట్టంటావా
అదెప్పుడూ అంతే…
ఎప్పుడూ విరగ పూసినట్టే గుర్తొస్తుంది
అచ్చం నీ నవ్వులానే
కానీ అప్పుడప్పుడు
వాడినట్టు కనపడుతుంది
నీవు లేవన్న నిజం గుర్తొచ్చినప్పుడే
ఈ గాలి అంతే….
నీ తలపులా హాయిగా ఉంటుంది
ఎప్పుడన్నా నువ్వు లేవని ఠక్కున గుర్తొస్తేనే
విసిరి విసిరి వీచే హోరు గాలిలా
మనసు అతలాకుతలం అయితది
నెలవంక పెరిగినట్టే నీపై ప్రేమ పెరిగి పెరిగి
నా మోము నిండు పున్నమైంది
నీ నిష్క్రమణనే నిత్య జ్ఞాపకమై
జీవితాన్ని కటిక చీకట్లోకి నెట్టింది
అయినా నా పిచ్చికానీ
నిన్ను ప్రేమించకుండా ఉంటే
ఇంత పిచ్చి ఊహ ఊగిసలాట
ఉండకపోవునేమో!
-దిలీప్.వి
84640 30808