కండ్లకు ఉపశమనం

కొంతమందికి ఉదయం నిద్ర లేవగానే కండ్లు కాస్త ఉబ్బినట్లుగా కనిపిస్తాయి. అయితే చల్లటి నీటితో ముఖం శుభ్రం చేసుకోగానే ఉబ్బిన అవి మామూలుగా అయిపోతాయి.

కొంతమందికి ఉదయం నిద్ర లేవగానే కండ్లు కాస్త ఉబ్బినట్లుగా కనిపిస్తాయి. అయితే చల్లటి నీటితో ముఖం శుభ్రం చేసుకోగానే ఉబ్బిన అవి మామూలుగా అయిపోతాయి. అయితే ఇలా చేసిన తర్వాత కూడా కండ్లు ఉబ్బినట్లుగానే ఉంటే ఏదో సమస్య ఉందని భావించాలంటున్నారు నిపుణులు. ఈక్రమంలో కొన్ని చిట్కాలు పాటించడం ద్వారా ఈ సమస్య నుంచి ఉపశమనం పొందవచ్చని వారు సూచిస్తున్నారు.

• శరీరం డీహైడ్రేషన్‌కు గురైనా కండ్లు ఉబ్బినట్లుగా కనిపిస్తాయట! అందుకే తగినన్ని నీళ్లు తాగాలి.
• నీటి శాతం అధికంగా ఉండే కూరగాయలు, పండ్లను ఆహారంలో భాగం చేసుకోవాలి.
• టీ, కాఫీ, కార్బొనేటెడ్‌ ఎనర్జీ డ్రింకులు, ఆల్కహాల్‌… తదితర పానియాలను తరచుగా తీసుకోవడం వల్ల కండ్లు ఉబ్బిపోయి అందవిహీనంగా తయారవుతాయి. కాబట్టి వాటికి సాధ్యమైనంత దూరంగా ఉండటం మంచిది.
• కొత్తిమీరను డైట్‌లో చేర్చుకోవడం వల్ల ఈ సమస్య నుంచి బయటపడొచ్చు. సూప్స్‌, సలాడ్లలో కొత్తిమీరను కలిపి తీసుకుంటే మరిన్ని ఆరోగ్య ప్రయోజనాలు సొంతమవుతాయి. ఈ చిట్కాలు పాటించినా సమస్య తగ్గకపోగా.. కండ్లలో దురద, మంట, ఎరుపెక్కడం.. లాంటి సమస్యలు ఎదురవుతుంటే ఆలస్యం చేయకుండా వైద్యులను సంప్రదించడం మంచిది.