అసలే అందాల యువరాణి. ఆపైన నల్లమబ్బు రంగు శారీ గౌన్. ముందువైపు కఫ్తాన్ను తలపించే డిజైన్. క్రిస్టల్స్, డైమండ్స్ గుదిగుచ్చడంతో తారామండలమంతా ఆమె ముస్తాబులో భాగమైన భావన కలుగుతుంది.
కాబట్టే, న్యూయార్క్లో జరిగిన ‘మెట్ గాలా-2023’ ఈవెంట్లో చూపులన్నీ అంబానీల ఆడకూతురు ఈశా మీదే. అందులోనూ ఆమె చేతిలోని బొమ్మల బ్యాగ్ భలే ఆకట్టుకుంది. దాని ధర అక్షరాలా ఇరవై నాలుగు లక్షలు. పొరపాటున ఎక్కడైనా మరిచిపోతే.. బ్యాగులోని వస్తువుల గురించి కాదు, బ్యాగు కోసమే ఘొల్లుమనాల్సిన పరిస్థితి.. సామాన్యులకైతే.