తక్కువలోనే ఎక్కువ క్లీనింగ్‌

మేకప్‌ బ్రష్‌లు శుభ్రంగా ఉండాలంటే.. రెగ్యులర్‌గా వాష్‌ చేస్తూ ఉండాలి. ఇందుకోసం ప్రత్యేకమైన బ్రష్‌ క్లెన్సర్లు ఉపయోగించాలి. అయితే, అవి ఖరీదైనవి. త్వరగా ఖాళీ అయిపోతాయి. దానికి ప్రత్యమ్నాయంగా సాధారణ బేబీ షాంపూను వాడుకోవచ్చని సౌందర్య నిపుణులు చెబుతున్నారు.

మేకప్‌ బ్రష్‌లు శుభ్రంగా ఉండాలంటే.. రెగ్యులర్‌గా వాష్‌ చేస్తూ ఉండాలి. ఇందుకోసం ప్రత్యేకమైన బ్రష్‌ క్లెన్సర్లు ఉపయోగించాలి. అయితే, అవి ఖరీదైనవి. త్వరగా ఖాళీ అయిపోతాయి. దానికి ప్రత్యమ్నాయంగా సాధారణ బేబీ షాంపూను వాడుకోవచ్చని సౌందర్య నిపుణులు చెబుతున్నారు. తటస్థ పీహెచ్‌ని కలిగి ఉండే ఈ బేబీ షాంపూలు.. మేకప్‌ బ్రష్‌లను సమర్థంగా శుభ్రం చేస్తాయి. బ్రష్‌ బ్యారెల్‌ లోపల మొండిగా ఉండే లిక్విడ్‌ ఫౌండేషన్‌, సెట్టింగ్‌ పౌడర్లను సులభంగా తొలగించేస్తాయి.

బ్రిసిల్స్‌ను కూడా చాలా మృదువుగా మార్చేస్తాయి. ఇక సున్నితంగా ఉండే బేబీ షాంపూలు.. బ్రష్‌లోని వెంట్రుకలు మొరటుగా మారకుండా, ఊడిపోకుండా కాపాడతాయి కూడా. అంతేకాకుండా, గాఢమైన రసాయనాలు ఉండే క్లెన్సర్లతో బ్రష్‌లను శుభ్రం చేస్తే.. ఆ రసాయనాలు బ్రష్‌పైనే ఉండిపోతాయి. మళ్లీ వాటిని వాడినప్పుడు చర్మంపై దద్దుర్లు, అలర్జీలను కలిగిస్తాయి.

బేబీ షాంపూతో అలాంటి భయం ఉండదు. ప్రొఫెషనల్‌ క్లెన్సర్లతో పోలిస్తే.. ఇవి చాలా చౌకగా, సులభంగా అందుబాటులో ఉంటాయి. ఒకవేళ మేకప్‌ ఎక్కువగా, వాటర్‌ ప్రూఫ్‌ ఫౌండేషన్‌ లాంటి స్ట్రాంగ్‌ మేకప్‌ వేసుకునేవాళ్లయితే.. బేబీ షాంపూలో ఒక చుక్క కొబ్బరి నూనె వేసి, కలిపి క్లీన్‌ చేస్తే సరి. అది మేకప్‌ను చాలా సులభంగా కరిగించేస్తుంది.