Health Tips | పిల్లల్లో పంటి సమస్యలా.. ఈ జాగ్రత్తలు తీసుకోండి!

Health Tips | ఏ ఇద్దరి వేలిముద్రలూ ఒకేలా ఉండవు. దంతాలూ అంతే. చాలా భిన్నంగా ఉంటాయి. ఏమాత్రం అజాగ్రత్తగా ఉన్నా పంటి సమస్యలు, చిగుళ్ల వాపులు అసౌకర్యం కలిగిస్తాయి.

Health Tips |  ఏ ఇద్దరి వేలిముద్రలూ ఒకేలా ఉండవు. దంతాలూ అంతే. చాలా భిన్నంగా ఉంటాయి. ఏమాత్రం అజాగ్రత్తగా ఉన్నా పంటి సమస్యలు, చిగుళ్ల వాపులు అసౌకర్యం కలిగిస్తాయి. శాశ్వతంగా దెబ్బతినే ప్రమాదమూ ఉంది. ‘నేషనల్‌ ఓరల్‌ హెల్త్‌ ప్రోగ్రాం’ లెక్కల ప్రకారం మనదేశంలో 95 శాతం మంది ఏదో ఒక చిగుళ్ల సమస్యతో బాధపడుతున్నారు. పదిహేనేళ్లలోపు పిల్లల్లో కనీసం 70 శాతం మందికి పంటి ఇబ్బందులు ఉన్నాయి. ఈ సమస్యల నుంచి తప్పించుకోవడానికి నిపుణుల సూచనలు..

• పిల్లలకు స్వీట్స్‌, పండ్ల రసాలు తక్కువగా ఇవ్వాలి. తీపి పదార్థాలు ఇవ్వాలనుకుంటే, భోజనం సమయంలో ఇవ్వొచ్చు. దీనివల్ల నేరుగా పళ్ల మీద ప్రభావం ఉండదు.
• బ్రేక్‌ఫాస్ట్‌ తర్వాత బ్రష్‌ చేసుకోవడం చెడు అలవాటు. దానివల్ల రాత్రి పేరుకున్న బ్యాక్టీరియా ప్రభావం చూపడమే కాకుండా… అల్పాహారంలో తిన్న పదార్థాలు కూడా పళ్లను దెబ్బతీస్తాయి.
• బ్రష్‌ చేయడం వల్ల 60 శాతం పళ్లు మాత్రమే శుభ్రపడతాయి. పళ్ల మధ్య గారను శుభ్రం చేసే ఫ్లాసింగ్‌ ప్రక్రియతో నోటిలోని బ్యాక్టీరియా తగ్గుతుంది.
• సున్నితమైన పళ్లు ఓ సమస్య మాత్రమే కాదు. దంతాలు తీవ్రంగా దెబ్బతింటున్నాయి అనేందుకు సూచన కూడా. ప్రత్యేకమైన పేస్ట్‌ వాడితే సరిపోదు. దంత వైద్యుడిని సంప్రదించాలి. లేదంటే, పళ్లు రాల్తయ్‌.. అదే, ఊడిపోతయ్‌.