ఆ తల్లి కుడికాలు మోపితే.. అష్ట ఐశ్వర్యాలే. చిరునవ్వు రువ్వితే భోగభాగ్యాలే. ‘రావమ్మా మహాలక్ష్మీ రావమ్మా! నీ కోవెల.. ఈ ఇల్లు కొలువై ఉందువు గానీ’ అంటూ శ్రావణ శుక్రవారంనాడు శ్రవణపేయంగా శ్రీశ్రావణిని ఆహ్వానించే సమయాన.. ఇదిగో.. ఇలాంటి కుంకుమ వన్నె పట్టుచీర కట్టుకోవాలి. దానికితోడు హ్యాండ్ ఎంబ్రాయిడరీ జువెలరీతో మెరిసిపోతున్న రవిక ధరించాలి.
ముకుళిత హస్తాలతో పిలవాలి. మన ఇంటిని లక్ష్మీ నివాసంగా మార్చమని వేడుకోవాలి. కడుపు చల్లని తల్లి కాదంటుందా! పలుకు తేనెల తల్లి ‘తథాస్తు’ అనకుండా ఉంటుందా!