Water Crisis | ఏదులాపురంలో వారం రోజులుగా తాగునీటి సరఫరా బంద్.. కాలనీవాసుల అవస్థలు!
Water Crisis | ఖమ్మం జిల్లా ఏదులాపురం మున్సిపాలిటీలోని 23వ వార్డులో తాగునీటి సమస్యతో కాలనీవాసులు తీవ్ర ఇబ్బందులు ఎదుర్కొంటున్నారు. కాలనీలో భారీ వాటర్ ట్యాంకు, బోరు మోటారు, మిషన్ భగీరథ కనెక్షన్ ఉన్నప్పటికీ వారం రోజులుగా నీటి సరఫరా నిలిచిపోయింది.
Water Crisis | ఖమ్మం రూరల్: ఖమ్మం జిల్లా ఏదులాపురం మున్సిపాలిటీలోని 23వ వార్డులో తాగునీటి సమస్యతో కాలనీవాసులు తీవ్ర ఇబ్బందులు ఎదుర్కొంటున్నారు. కాలనీలో భారీ వాటర్ ట్యాంకు, బోరు మోటారు, మిషన్ భగీరథ కనెక్షన్ ఉన్నప్పటికీ వారం రోజులుగా నీటి సరఫరా నిలిచిపోయింది. స్వయంగా మున్సిపల్ చైర్పర్సన్ ప్రాతినిధ్యం వహిస్తున్న వార్డులోనే ఈ పరిస్థితి నెలకొనడంపై స్థానికులు అసంతృప్తి వ్యక్తం చేస్తున్నారు.
వారం రోజుల క్రితం వాటర్ ట్యాంకు సమీపంలోని బోరు మోటారు మరమ్మతులకు గురికావడంతో అధికారులు దానిని రిపేరుకు తీసుకెళ్లినట్లు స్థానికులు చెబుతున్నారు. అదే సమయంలో మిషన్ భగీరథ నుంచి కూడా నీటి సరఫరా నిలిచిపోవడంతో తాగునీటి కష్టాలు మొదలయ్యాయి. అప్పటి నుంచి నీటి కోసం ఎదురుచూస్తున్నా సరఫరా పునరుద్ధరణ కాలేదని కాలనీవాసులు వాపోతున్నారు.
ఇళ్లలో బోరు సౌకర్యం లేని కుటుంబాలు తాగునీటి కోసం ఇతర ప్రాంతాల్లోని బోరింగుల వద్దకు వెళ్లాల్సి వస్తున్నది. ముఖ్యంగా గృహిణులు నీటిని తెచ్చుకునేందుకు ఇబ్బందులు పడుతున్నారు. రోజువారీ అవసరాలకు సరిపడా నీరు అందకపోవడంతో కుటుంబాల నిర్వహణ భారంగా మారిందని స్థానికులు ఆవేదన వ్యక్తం చేస్తున్నారు.
నీటి సమస్యపై మున్సిపల్ వార్డు అధికారి, సరఫరా సిబ్బందిని పలుమార్లు ప్రశ్నించినా ఫలితం కనిపించలేదని వారు ఆరోపిస్తున్నారు. నీటి సరఫరా ఎప్పుడు పునరుద్ధరిస్తారనే దానిపై స్పష్టత లేకపోవడంతో ఆందోళన చెందుతున్నారు.
చైర్పర్సన్ వార్డులోనే సమస్య!
ఏదులాపురం మున్సిపాలిటీలోని 32 వార్డుల్లో 23వ వార్డు ప్రత్యేకంగా ప్రస్తావనకు వస్తున్నది. మున్సిపల్ చైర్పర్సన్ ప్రాతినిధ్యం వహిస్తున్న ప్రాంతంలోనే వారం రోజులుగా తాగునీటి సరఫరా నిలిచిపోవడంపై స్థానికులు ప్రశ్నిస్తున్నారు. అవసరమైన మౌలిక సదుపాయాలు ఉన్నప్పటికీ నీరు అందకపోవడానికి కారణమేంటని నిలదీస్తున్నారు. ఇప్పటికైనా సంబంధిత మున్సిపల్ అధికారులు స్పందించి బోరు మోటారుకు మరమ్మతులు పూర్తి చేయడంతోపాటు మిషన్ భగీరథ నీటి సరఫరాను పునరుద్ధరించాలని కాలనీవాసులు డిమాండ్ చేస్తున్నారు. తాగునీటి సమస్యను తక్షణమే పరిష్కరించి తమ ఇబ్బందులు తొలగించాలని కోరుతున్నారు.
Read Today's Latest Khammam News in Telugu and Telugu News
RELATED ARTICLES
తాజా వార్తలు
Health tips | లావుపొట్టను ఇట్టే తగ్గించే ఈ డ్రింక్ గురించి మీకు తెలుసా..?
Cancer | మధుమేహం ఉన్నవారికి 21 రకాల క్యాన్సర్ల ముప్పు.. అధ్యయనంలో వెల్లడి..
Bandla Ganesh | చెక్ బౌన్స్ కేసు.. నిర్మాత బండ్ల గణేష్కు ఏడాది జైలుశిక్ష.. రూ.95 లక్షల జరిమానా..!
Acidity | ఎసిడిటీ, అజీర్తి సమస్యలు తరచూ వస్తున్నాయా..? అయితే అందుకు కారణాలు ఇవే..!
Man Throws Sons Into Canal | ఇద్దరు కుమారులను కాలువలోకి విసిరేసిన తండ్రి.. అడ్డుకునేందుకు ప్రయత్నించిన వారిపై రాళ్ల దాడి
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

