అంజనాపురంలో పట్టపగలే భారీ చోరీ

పట్టపగలే ఓ ఇంట్లో దొంగలు పడిన సంఘటన బూర్గంప‌హాడ్‌ మండల పరిధిలోని అంజనాపురంలో శనివారం చోటుచేసుకుంది. దీనికి సంబంధించి స్థానికులు, పోలీసులు తెలిపిన వివరాల ప్రకారం.. అంజనాపురంలో లకావత్ బాల్య వ్యవసాయ పనుల నిమిత్తం పొలానికి వెళ్లగా...

– 8 తులాల బంగారం, వెండి ఆభరణాలు, లక్షల నగదు అపహరణ

బూర్గంపహాడ్, అక్టోబర్ 24 : పట్టపగలే ఓ ఇంట్లో దొంగలు పడిన సంఘటన బూర్గంప‌హాడ్‌ మండల పరిధిలోని అంజనాపురంలో శనివారం చోటుచేసుకుంది. దీనికి సంబంధించి స్థానికులు, పోలీసులు తెలిపిన వివరాల ప్రకారం.. అంజనాపురంలో లకావత్ బాల్య వ్యవసాయ పనుల నిమిత్తం పొలానికి వెళ్లగా ఇంట్లో ఎవరూ లేకపోవడంతో మధ్యాహ్నం సమయంలో కొందరు వ్యక్తులు ఆటోలో లకావత్ బాల్య ఇంటికి వెళ్లి తాళం పగలగొట్టి బీరువాలో ఉన్న బంగారు, వెండి ఆభరణాలతో పాటు నగదు అపహరించుకుపోయారు. పక్కింటి వారు సమాచారం ఇవ్వడంతో ఇంటికి వచ్చిన యజమాని ఇంట్లోకి వెళ్లి చూడగా తాళం పగలగొట్టి ఉండటాన్ని గుర్తించాడు. బీరువా తెరిచి ఉండటంతో దాచుకున్న 8 తులాల బంగారు ఆభరణాలతో పాటు వెండి ఆభరణాలు, నగదు అపహరణకు గురైనట్లు బాధితుడు పోలీసుస్టేషన్‌లో ఫిర్యాదు చేశారు. బాధితుడి ఫిర్యాదు మేరకు ఎస్ఐ మేడా ప్రసాద్ బాధితుడి ఇంటిని పరిశీలించారు. క్లూస్ టీమ్‌ను పిలిపించి వేలిముద్రలు సేకరించారు. ఈ సమాచారాన్ని పాల్వంచ సీఐ సతీషకు అందించగా ఆయన హుటాహుటీన సంఘటనా స్థలానికి చేరుకుని చోరీ వివరాలను అడిగి తెలుసుకున్నారు. ఈ సంఘటనకు సంబంధించి పోలీసులు కేసు నమోదు చేసి దర్యాప్తు చేప‌ట్టారు.