ఎమ్మెల్సీ ఓట్ల నమోదులో ఎంపీ వద్దిరాజు

బీఆర్ఎస్ పార్లమెంటరీ పార్టీ లీడర్, రాజ్యసభ సభ్యుడు వద్దిరాజు రవిచంద్ర భద్రాద్రి కొత్తగూడెం జిల్లా లక్ష్మీదేవిపల్లిలో పట్టభద్రుల ఓట్లను నమోదు చేయించారు. శాసనమండలిలోని నల్లగొండ-ఖమ్మం-వరంగల్ పట్టభద్రుల నియోజకవర్గానికి ఎన్నిక జరుగనున్న నేపథ్యంలో...

కొత్తగూడెం, అక్టోబర్ 29 : బీఆర్ఎస్ పార్లమెంటరీ పార్టీ లీడర్, రాజ్యసభ సభ్యుడు వద్దిరాజు రవిచంద్ర భద్రాద్రి కొత్తగూడెం జిల్లా లక్ష్మీదేవిపల్లిలో పట్టభద్రుల ఓట్లను నమోదు చేయించారు. శాసనమండలిలోని నల్లగొండ-ఖమ్మం-వరంగల్ పట్టభద్రుల నియోజకవర్గానికి ఎన్నిక జరుగనున్న నేపథ్యంలో ఓట్ల నమోదు ప్రక్రియ కొనసాగుతున్న విషయం తెలిసిందే. ఈ ఎన్నికల కొత్తగూడెం అసెంబ్లీ నియోజకవర్గ ఇంఛార్జిగా ఉన్న ఎంపీ రవిచంద్ర గురువారం లక్ష్మీదేవిపల్లి మండలం సీతారాంపురం స్టేజీ వద్ద స్వయంగా ఇల్లిల్లు తిరిగి పలువురు పట్టభద్రులను కలిసి వారి ఓట్లను నమోదు చేయించారు. ఆయ‌న వెంట పార్టీ నాయకులు కొట్టి వెంకటేశ్వర రావు, భద్రు, బాలు, శ్రీను, రమేష్, గోపాల్, రాము, కన్ని, శివ ఉన్నారు.