‘బొమ్మ’లో అల్లు శిరీష్‌ సందడి

నగరంలోని బొమ్మ ఇంజినీరింగ్‌ కళాశాలలో మంగళవారం ‘ఊర్వశివో రాక్షసివో’ సినిమా హీరో అల్లు శిరీష్‌ సందడి చేశారు. ఈ నెల 4వ తేదీన విడుదల కాబోతున్న సందర్భంగా ప్రమోషన్‌లో భాగంగా చిత్ర హీరో కళాశాల ను సందర్శించి విద్యార్థులతో ముచ్చటించి, సినిమా విశేషాలను వివరించారు.

ఖమ్మం ఎడ్యుకేషన్‌, నవంబర్‌ 1 : నగరంలోని బొమ్మ ఇంజినీరింగ్‌ కళాశాలలో మంగళవారం ‘ఊర్వశివో రాక్షసివో’ సినిమా హీరో అల్లు శిరీష్‌ సందడి చేశారు. ఈ నెల 4వ తేదీన విడుదల కాబోతున్న సందర్భంగా ప్రమోషన్‌లో భాగంగా చిత్ర హీరో కళాశాల ను సందర్శించి విద్యార్థులతో ముచ్చటించి, సినిమా విశేషాలను వివరించారు. సినిమాలోని పాటలకు హీరో నృత్యాలు చేసి అలరించారు. డైలాగ్‌లు చెప్పి విద్యార్థులను ఆకట్టుకున్నారు.

ఈ సందర్భంగా హీరో అల్లు శిరీష్‌ మాట్లాడుతూ కామెడీతోపాటు మంచి కథతో కూడుకున్న సినిమా అని, అందరినీ అలరిస్తుందన్న నమ్మకముందన్నా రు. ఆడియో రిలీజ్‌ కార్యక్రమంలో హీరో నందమూరి బాలకృష్ణ హాజరుకావడం ఆనందంగా ఉందని, సినిమా రిలీజ్‌ అనంతరం సక్సెస్‌ మీట్‌ను మళ్లీ ఖమ్మంలో నిర్వహిస్తామన్నారు. కార్యక్రమంలో బొమ్మ విద్యాసంస్థల చైర్మన్‌ బొమ్మ రాజేశ్వరరావు, వైస్‌ చైర్మన్‌ బొమ్మ సత్యప్రసాద్‌ , లక్ష్మీరాజ్యం, అనూష, ప్రిన్సిపాల్స్‌, అధ్యాపకులు పాల్గొన్నారు.