420 హామీలతో ప్రజలను మోసగించిన కాంగ్రెస్‌

అసెంబ్లీ ఎన్నికల్లో 420 హామీలు ఇచ్చి అధికారంలోకి వచ్చిన కాంగ్రెస్‌ పార్టీ, వాటిని అమలును విస్మరించి తెలంగాణ ప్రజలను మోసం చేసిందని హుజూరాబాద్‌ ఎమ్మెల్యే పాడి కౌశిక్‌రెడ్డి అన్నారు. మహిళలకు రూ.2500 పెన్షన్‌, రైతులకు రుణమాఫీ, 500 రూపాయల పంట బోనస్‌ లాంటివి ఆరు గ్యారెంటీలలో లేవా? అని ఆయన ప్రశ్నించారు.

• హుజూరాబాద్‌ ఎమ్మెల్యే పాడి కౌశిక్‌రెడ్డి

హుజూరాబాద్‌టౌన్‌, మే 10: అసెంబ్లీ ఎన్నికల్లో 420 హామీలు ఇచ్చి అధికారంలోకి వచ్చిన కాంగ్రెస్‌ పార్టీ, వాటిని అమలును విస్మరించి తెలంగాణ ప్రజలను మోసం చేసిందని హుజూరాబాద్‌ ఎమ్మెల్యే పాడి కౌశిక్‌రెడ్డి అన్నారు. మహిళలకు రూ.2500 పెన్షన్‌, రైతులకు రుణమాఫీ, 500 రూపాయల పంట బోనస్‌ లాంటివి ఆరు గ్యారెంటీలలో లేవా? అని ఆయన ప్రశ్నించారు. కాంగ్రెస్‌ ప్రభుత్వం ఇచ్చిన ఆరు గ్యారెంటీల్లో పూర్తిస్థాయిలో ఒక్కటి కూడా అమలు కాలేదన్నారు. బీఆర్‌ఎస్‌ పార్లమెంట్‌ అభ్యర్థి వినోద్‌కుమార్‌కు మద్దతుగా శుక్రవారం హుజూరాబాద్‌ పట్టణంలోని 29వ వార్డులో ఇంటింటా ప్రచార కార్యక్రమంలో పాల్గొని పలువురిని ఓటు అభ్యర్థించారు.

ఈ సందర్భంగా ఆయన మాట్లాడుతూ, కాంగ్రెస్‌ ప్రభుత్వం చెబుతున్నట్లు ఆరు గ్యారెంటీల అమలు పచ్చి అబద్ధమన్నారు. జిల్లా ప్రజల సమస్యలు తెలిసిన వ్యక్తి బోయినపల్లి వినోద్‌కుమార్‌ను గెలిపించాలని కోరారు. పార్లమెంట్‌లో మాట్లాడి సమస్యల పరిషారానికి కృషి చేస్తారని తెలిపారు. రాష్ట్రంలో ఆరు గ్యారెంటీల అమలు జరుగాలంటే బీఆర్‌ఎస్‌ పార్టీని పార్లమెంట్‌ ఎన్నికల్లో కచ్చితంగా గెలిపించాలన్నారు. హుజూరాబాద్‌ నియోజకవర్గంలో 50 వేల మెజారిటీ పైచిలుకు వస్తుందని ధీమా వ్యక్తం చేశారు. వినోద్‌కుమార్‌ను గెలిపిస్తే ఇద్దరం కలిసి నియోజకవర్గ అభివృద్ధికి కృషి చేస్తామని చెప్పారు. ఆయన వెంట మున్సిపల్‌ చైర్‌పర్సన్‌ గందె రాధిక, స్థానిక కౌన్సిలర్‌ ముక్క రమేశ్‌, బీఆర్‌ఎస్‌ పట్టణాధ్యక్షుడు కొలిపాక శ్రీనివాస్‌, నాయకులు, మహిళా కార్యకర్తలు పాల్గొన్నారు.